କଟକ:ପତ୍ନୀ ହତ୍ୟାକାରୀ ସ୍ବାମୀକୁ ଆଜୀବନ କାରା ଦଣ୍ଡାଦେଶ । କଟକ ଜିଲ୍ଲା ଦୌରା ଜଜ କୋର୍ଟ ଏହି ଦଣ୍ଡାଦେଶ ଶୁଣାଇଛନ୍ତି । କଟକ ସଦର ଥାନା ଅରଡ଼ ଗ୍ରାମରେ ଘଟିଥିଲା ଏହି ହତ୍ୟାକାଣ୍ଡ । 2016 ମସିହା ଏପ୍ରିଲ 21 ତାରିଖରେ ଏହି ଲୋମହର୍ଷଣକାରୀ ଘଟଣା ଘଟିଥିଲା । ସାମାନ୍ୟ ବଚସାକୁ କେନ୍ଦ୍ର କରି ପତି ପତ୍ନୀଙ୍କ ମଧ୍ୟରେ ଝଗଡା ହୋଇଥିଲା । ଅଭିଯୁକ୍ତ ସ୍ବାମୀ ପତ୍ନୀ ସରସ୍ବତୀ ପୃଷ୍ଟିକୁ ହତ୍ୟା କରିଥିଲେ । ଏହି ମାମଲାର ଶୁଣାଇ କରି ପତ୍ନୀହନ୍ତାକୁ କଟକ ଜିଲ୍ଲା ଦୌରା ଜଜ କୋର୍ଟ ଆଜୀବନ କାରାଦଣ୍ଡା ଦେଶ ଶୁଣାଇଛନ୍ତି ।
କାଳନ୍ଦୀ ସବୁ ସୀମା ପାର କରି ଦେଇଥିଲା । ସ୍ତ୍ରୀକୁ ହତ୍ୟା କରିବା ପରେ ମୃତଦେହରୁ ହାତ ଦୁଇଟି କାଟି ନେଇ ଥିଲା ପିଶାଚ ସ୍ବାମୀ। ମୃତକଙ୍କ ଦୁଇ ନାବାଳକ ପୁଅଙ୍କ ସାମ୍ନାରେ ଏହି ଘଟଣା ଘଟାଇ ଥିଲେ ଅଭିଯୁକ୍ତ ସ୍ବାମୀ । ପରେ ଦୁଇ ପୁଅଙ୍କୁ ନେଇ ଘଟଣା ସ୍ଥଳରୁ ମଧ୍ୟ ଫେରାର ମାରିଥିଲା ହତ୍ୟାକାରୀ ସ୍ବାମୀ ପ୍ରସନ୍ନ ଓରଫ କାଳିଆ ମଲ୍ଲିକ । ସବୁ କିଛି ଠିକ ଠାକ ଥିଲା । ହେଲେ ସ୍ବାମୀ ଯେ ଏପରି ନିଷ୍ଠୁର କାମ କରିବ,ସେକଥା କାହାକୁ ଜଣାନଥିଲା । ହତ୍ୟା ଘଟଣାରେ ସ୍ବାମୀକୁ ପୋଲିସ ଗିରଫ କରିଥିଲା । ପରବର୍ତ୍ତୀ ସମୟରେ ସେ ତାର ଦୋଷ ସ୍ବୀକାର କରି ନେଇଥିଲା । ପୋଲିସ ଆଗରେ ବି ସବୁ ସତ କଥା କହିଥିଲା । ସେ ରାଗରେ ହିଁ ତାର ସ୍ତ୍ରୀକୁ ହତ୍ୟା କରିଥିଲା ଆଉ ସେ ଅନୁତପ୍ତ ବୋଲି କହିଥିଲା ।
ଆଇନ ଆଖିରେ ସେ ଖସିଯିବା ସହଜ ନଥିଲା । ସେ ଅପରାଧୀ । କୋର୍ଟ ବି ଏହି ମାମଲାର ଶୁଣାଣି କରି ଅଭିଯୁକ୍ତ ସ୍ବାମୀକୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି । ଏହି ଘଟଣା ଘଟିବା ପରେ ସରସ୍ବତୀଙ୍କ ଭାଇ ଆଲୋକ ପୃଷ୍ଟି କଟକ ସଦର ଥାନାରେ ମାମଲା ରୁଜୁ କରିଥିଲେ । ଏତଲା ଆଧାରରେ ଅଭିଯୁକ୍ତ କାଳିଆକୁ ଗିରଫ କରିଥିଲା କଟକ ସଦର ଥାନା ପୋଲିସ । ଆଇପିସିର ଧାରା 302 ଏବଂ 498 (A)ରେ ମଧ୍ୟ କୋର୍ଟ ଚାଲାଣ କରିଥିଲା ସଦର ଥାନା ପୋଲିସ ।