ମା'ଙ୍କର ମହାପବିତ୍ର କାଳୀ ପୂଜା, 30ରେ ନେବେ ମେଲାଣୀ

କାଳୀ ପୂଜା ପାଇଁ ସଜେଇ ହେଉଛି ସିଲିଭର ସିଟି । ରୀତିନୀତି ଅନୁଯାଇ ରବିବାରଠୁ ଆରମ୍ଭ ହେବ ମା'ଙ୍କ ପୂଜାବିଦ୍ଧି । ସେପଟେ 30 ତାରିଖରେ ଅନୁଷ୍ଠିତ ହେବ ଭସାଣ ।

କଟକ: ମା'ଙ୍କର ପ୍ରସିଦ୍ଧ କାଳୀପୂଜା । କଟକ ସହରରେ ୭୦ ଟି ପୂଜା ମଣ୍ଡପରେ ମାଙ୍କୁ ପୂଜା କରାଯିବ । ଏଥିପାଇଁ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ । ତେବେ ଚଳିତ ବର୍ଷ ଲଗାଣ ବର୍ଷା ମୂର୍ତ୍ତୀ ନିର୍ମାଣରେ ବାଧା ସୃଷ୍ଟି କରିଛି । ଯାହାଫଳରେ ରଙ୍ଗ କାମରେ ଘଟୁଛି ବିଳମ୍ବ ।

ତେବେ ୪ ରୁ ୫ ଜଣ କାରିଗର ମୂର୍ତ୍ତୀ ପ୍ରସ୍ତୁତ କରିବାରେ ଲାଗିପଡିଛନ୍ତି । ପାଗ କୋହଲା ରହୁଥିବାରୁ ରଙ୍ଗ ଶୁଖିବାରେ ମଧ୍ୟ ସମସ୍ୟା ସୃଷ୍ଟି କରିଛି । ସେଥିପାଇଁ ହାଲୋଜିନ ବ୍ୟବହାର କରି ରଙ୍ଗ କାମ ଶେଷ କରିବାକୁ ଲକ୍ଷ ରଖିଛନ୍ତି ମୃତ୍ତି କାରିଗର । କଟକ ଚାନ୍ଦିନଚୌକ ପୂଜାମଣ୍ଡପରେ ମୂର୍ତ୍ତୀ କାମ ଶେଷ କରିବାକୁ ଦିନ ରାତି ଏକ କରିଦେଇଛନ୍ତି ମୂର୍ତ୍ତୀ କାରୀଗର ।

ତେବେ ବିଳମ୍ବିତ ରାତି ସୁଦ୍ଧା ମୂର୍ତ୍ତୀ କାମ ଶେଷ କରାଯିବ ବୋଲି କହିଛନ୍ତି ମୃତ୍ତି ଶିଳ୍ପୀ । ତେବେ ଆସନ୍ତାକାଲି ମଧ୍ୟରାତ୍ରିରେ ମା' ଙ୍କର ପୂଜା କରାଯିବ । 28 ଓ 29 ତାରିଖରେ ସହରର ବିଭିନ୍ନ ପୂଜାମଣ୍ଡପରେ ସାଂସ୍କୃତିକ କାର୍ଯ୍ୟକ୍ରମ କରାଯିବ । 30 ତାରିଖରେ ଭଷାଣ ଉତ୍ସବ କରାଯିବ ବୋଲି କଟକ ମହାନଗର ଶାନ୍ତି କମିଟି ସଭାପତି କହିଛନ୍ତି ।

କଟକରୁ ନାରାୟଣ ସାହୁ, ଇଟିଭି ଭାରତ