କଟକ:ସିଲଭର ସିଟିରେ ବେଆଇନ ବାଣ କାରବାର । ଜଗତପୁର ଥାନା ପୋଲିସ ବିଭିନ୍ନ ସ୍ଥାନରେ ଚଢାଉ କରି ବିପୁଳ ପରିମାଣରେ ବାଣ ଓ ବାଣ ତିଆରି ସାମଗ୍ରୀ ଜବତ କରିଛି । ଏହି ଘଟଣାରେ ୬ଜଣଙ୍କୁ ଅଟକ ରଖି ତଦନ୍ତ ଚଳାଇଛି କଟକ କମିଶନରେଟ ପୋଲିସ ।
ଜଗତପୁରରୁ ଲକ୍ଷାଧିକ ଟଙ୍କାର ବେଆଇନ ବାଣ ଜବତ
ଜଗତପୁରରୁ ବିପୁଳ ପରିମାଣର ବେଆଇନ ବାଣ ଜବତ । ପଦ୍ମପୁର ଓ ତ୍ରିଲୋଚନପୁର ଅଞ୍ଚଳରୁ ଲକ୍ଷାଧିକ ଟଙ୍କାର ବେଆଇନ ବାଣ ଜବତ କରିଛି ଜଗତପୁର ପୋଲିସ । ବିଭିନ୍ନ ପ୍ରକାରର ବାଣ ସମେତ ବାଣ ପ୍ରସ୍ତୁତିରେ ବ୍ୟବହୃତ ସାମଗ୍ରୀ ଜବତ ହୋଇଛି । ଏହି ଘଟଣାରେ ପୋଲିସ 6 ଜଣଙ୍କୁ ଅଟକ ରହିଛି ।
ବାଣ ପ୍ରସ୍ତୁତିରେ ବ୍ୟବହୃତ କଞ୍ଚାମାଲ, ଘଡି, ରଞ୍ଜକ ଓ ଅନ୍ୟାନ୍ୟ ସାମଗ୍ରୀ ସହିତ ଲକ୍ଷାଧିକ ଟଙ୍କାର ବାଣ ଜବତ କରାଯାଇଛି । ଅଟକ ଥିବା 6 ଜଣ ବ୍ୟବସାୟୀଙ୍କୁ ବେଆଇନ କାରବାର ଉପରେ ପଚରାଉଚରା ଜାରି ରଖିଛି ପୋଲିସ । ଆଗକୁ ଦୀପାବଳି ଆସୁଥିବାରୁ ପୋଲିସ ଏବେ ଠାରୁ ବେଆଇନ ବାଣ ଗୋଦାମମାନଙ୍କରେ ଚଢ଼ାଉ କରିଛି ।