ହାଇକୋର୍ଟ ଫୁଲ ବେଞ୍ଚ ନୋଟିସ ପ୍ରସଙ୍ଗ: ବାର ପ୍ରତିନିଧିଙ୍କ ବୈଠକ ଶେଷ

ହାଇକୋର୍ଟ ପରିସରରେ ଶେଷ ହୋଇଛି ସମସ୍ତ ବାର ପ୍ରତିନିଧିମାନଙ୍କର ମିଳିତ ବୈଠକ । ହାଇକୋର୍ଟର ଫୁଲ ବେଞ୍ଚ ପ୍ରସଙ୍ଗ ନେଇ ଆୟୋଜିତ ଏହି ବୈଠକରେ 93ଟି ବାର ହାଇକୋର୍ଟ ବାରକୁ ସମର୍ଥନ ଜଣାଇଛନ୍ତି ।

କଟକ: ହାଇକୋର୍ଟ ପରିସରରେ ଶେଷ ହୋଇଛି ସମସ୍ତ ବାର ପ୍ରତିନିଧିମାନଙ୍କ ମିଳିତ ବୈଠକ । ହାଇକୋର୍ଟର ଫୁଲ ବେଞ୍ଚ (ପୂର୍ଣ୍ଣ ଖଣ୍ଡପୀଠ) ପ୍ରସଙ୍ଗ ନେଇ ଆୟୋଜିତ ଏହି ବୈଠକରେ 93ଟି ବାର ହାଇକୋର୍ଟ ବାରକୁ ସମର୍ଥନ ଜଣାଇଛନ୍ତି । ଯେଉଁ 68ଟି ବାରକୁ ହାଇକୋର୍ଟ ଫୁଲ ବେଞ୍ଚ ନୋଟିସ କରିଥିଲେ, ସେମାନଙ୍କ ମଧ୍ୟରୁ 37ଟି ବାର ହାଇକୋର୍ଟ ବାରର ନିଷ୍ପତ୍ତିରେ ସମର୍ଥନ ଜଣାଇବେ ବୋଲି ମଧ୍ୟ ବୈଠକରେ ମତ ଦେଇଛନ୍ତି ।

ତେବେ ଏହି ପ୍ରସଙ୍ଗ ନେଇ ଶନିବାର ପୁନର୍ବାର ହାଇକୋର୍ଟ ବାର ପରିସରରେ ବୈଠକ ହେବ । ଏହି ବୈଠକରେ ଆନ୍ଦୋଳନର ପରବର୍ତ୍ତୀ କାର୍ଯ୍ୟପନ୍ଥା ସ୍ଥିର କରାଯିବ ବୋଲି ହାଇକୋର୍ଟ ବାର ସଭାପତି ଗୋପାଳକୃଷ୍ଣ ମହାନ୍ତି ସୂଚନା ଦେଇଛନ୍ତି ।

କଟକରୁ ନାରାୟଣ ସାହୁ, ଇଟିଭି ଭାରତ