କଟକ: କୋଭିଡ୍ ଟିକା ଅନୁସାରେ ସଠିକ୍ ପ୍ରମାଣପତ୍ର ମିଳି ନଥିବା ନେଇ ହାଇକୋର୍ଟରେ ଏକ ମାମଲା ଦାୟର ହୋଇଥିଲା । ଶୁକ୍ରବାର ଏହାର ଶୁଣାଣି କରି କେନ୍ଦ୍ର ସରକାରଙ୍କୁ ଜବାବ ତଲବ କରିଛନ୍ତି କୋର୍ଟ । ଆବେଦନକାରୀ ନରେନ୍ଦ୍ର କୁମାର ଦାସଙ୍କ ପକ୍ଷରୁ ଦାୟର ଏହି ମାମଲାର ଶୁଣାଣି କରି ହାଇକୋର୍ଟ ବିଚାରପତି ଜଷ୍ଟିସ ବିଶ୍ଵନାଥ ରଥ ସମସ୍ତ ପ୍ରତିପକ୍ଷଙ୍କୁ ନୋଟିସ ଜାରି କରିବା ସହ ଜବାବ ରଖିବାକୁ ନିର୍ଦ୍ଦେଶ ଦେଇଛନ୍ତି।
ମାମଲାରୁ ଜଣାପଡ଼ିଛି ଯେ, ଆବେଦନକାରୀ ଏକ ଘରୋଇ ହସ୍ପିଟାଲରେ କୋଭିଡ଼ ଟିକାର ଦୁଇଟି ଡୋଜ୍ ନେଇଥିଲେ । ହେଲେ ପ୍ରମାଣପତ୍ରରେ ଟିକା ନେଇଥିବା ସ୍ଥାନ ଓ ତାରିଖ ସବୁ ତ୍ରୁଟିଯୁକ୍ତ ଥିଲା । ଫଳରେ ଆବେଦନକାରୀ ନିର୍ଦ୍ଧାରିତ ତାରିଖରେ ବୁଷ୍ଟର ଡୋଜ ନେଲେ । ଏହି ଅନିୟମିତତା କାରଣରୁ ତାଙ୍କ ଜୀବନ ପ୍ରତି ବିପଦ ରହିଥିବା ଆଶଙ୍କା କରି ସେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ହାଇକୋର୍ଟ ଏହି ମାମଲାକୁ ଗୁରୁତ୍ୱର ସହ ଗ୍ରହଣ କରି ପ୍ରତିପକ୍ଷଙ୍କୁ ନୋଟିସ ଜାରି କରିଛନ୍ତି ।