କଟକ: ରାଜ୍ୟରେ ବିଦ୍ୟୁତ ବିଲ ଦର ବୃଦ୍ଧି ପ୍ରସଙ୍ଗରେ ହାଇକୋର୍ଟରେ ଆଗତ ଜନସ୍ବାର୍ଥ ମାମଲାକୁ ଅଗ୍ରାହ୍ୟ କରିଦେଇଛନ୍ତି ହାଇକୋର୍ଟ। ହାଇକୋର୍ଟ ଆସିବା ପୂର୍ବରୁ ଓଡିଶା ବିଦ୍ୟୁତ ପରିଚାଳନା ଆୟୋଗଙ୍କ ନିକଟରେ ଆବେଦନ କରିବାକୁ ପରାମର୍ଶ ଦେଇଛନ୍ତି ଅଦାଲତ। କର୍ତ୍ତୃପକ୍ଷଙ୍କୁ ନ ଜଣାଇ ହାଇକୋର୍ଟ ଆସି ଥିବାରୁ ମାମଲାକୁ ଅଗ୍ରାହ୍ୟ କରିଦେଇଛନ୍ତି ହାଇକୋର୍ଟ।
ଓଇଆରସିଙ୍କୁ ଜଣାଇବା ପରେ କୌଣସି ସୁଫଳ ନମିଳିଲେ ଆବେଦନକାରୀ ହାଇକୋର୍ଟଙ୍କ ଦ୍ବାରସ୍ଥ ହୋଇ ପାରିବେ ବୋଲି ଅଦାଲତ ସ୍ପଷ୍ଟ କରିଛନ୍ତି। ଓଡିଶା ହାଇକୋର୍ଟ ପିଆଇଏଲ ରୁଲ ୮ ଅନୁଯାୟୀ ଜନସ୍ବାର୍ଥ ମାମଲା ରୁଜୁ ପୂର୍ବରୁ ସମ୍ପୃକ୍ତ କର୍ତ୍ତୃପକ୍ଷଙ୍କୁ ରିପ୍ରେଜେଣ୍ଟସନ ଆକାରରେ ସମସ୍ୟାର ସମାଧାନ ପାଇଁ ଜଣାଇବା ବାଧ୍ୟତାମୂଳକ।