କଟକ: ଖାନନଗର ଠାରେ ନେତାଜୀ ବସ୍ ଟର୍ମିନାଲ ନିର୍ମାଣ ନେଇ ଦେଖା ଦେଇଛି ବିବାଦ । ନିର୍ମାଣ କାର୍ଯ୍ୟରେ ଅଙ୍କୁଶ ଲଗାଇଲେ ହାଇକୋର୍ଟ । ବସ ଟର୍ମିନାଲ ହେବାକୁ ଥିବା ସ୍ଥାନରେ କାଳୀ ମନ୍ଦିର ରହିଥିବାରୁ ଆଜି(ମଙ୍ଗଳବାର) ଖାନନଗର ଶ୍ମଶାନ କାଳୀଙ୍କ ସମ୍ପତ୍ତି ଉପରେ ସ୍ଥିତାବସ୍ଥା ଜାରି କରିଛନ୍ତି ହାଇକୋର୍ଟ।
ବସ ଟର୍ମିନାଲ ନିର୍ମାଣ ଉପରେ ଲାଗିଲା ଅଙ୍କୁଶ
କଟକ ଖାନନଗରରେ ବସ ଟର୍ମିନାଲ ପାଇଁ ଚିହ୍ନଟ ହୋଇଥିବା ଜମିରୁ କିଛି ଅଂଶ ମନ୍ଦିର ଜମି ରହିଛି । ଯାହାକୁ ନେଇ ଏହି ଚିହ୍ନଟ ମନ୍ଦିର ଜମି ଉପରେ ସ୍ଥିତାବସ୍ଥା ଜାରି କରିଛନ୍ତି ହାଇକୋର୍ଟ । ମା'ଙ୍କ ସମ୍ପତ୍ତି ସୁରକ୍ଷା କରିବାକୁ ହାଇକୋର୍ଟରେ ଦାୟର ହୋଇଥିଲା ମାମଲା। ପରବର୍ତ୍ତୀ ଶୁଣାଣି ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ନେଇପାରିବେ ନାହିଁ ସରକାର।