ମୌସୁମୀ ବର୍ଷାରେ ବେହାଲ କଟକ

ବର୍ଷର ପ୍ରଥମ ମୌସୁମୀ ବର୍ଷାରେ ବେହାଲ କଟକ । କଟକ ସହରର ବାଦାମବାଡ଼ି, କାଜି ବଜାର, ରୋଭରଷ୍ଟ୍ରିଟ ପଟା ପୋଲ ଅଞ୍ଚଳରେ ଜଳ ବନ୍ଦୀ ସମସ୍ୟା ସୃଷ୍ଟି ହୋଇଛି ।

କଟକ:ବର୍ଷର ପ୍ରଥମ ମୌସୁମୀ ବର୍ଷାରେ ବେହାଲ କଟକ । ସିଲଭର ସିଟିରେ ଲାଗି ରହିଛି ମୌସୁମୀ ଜନିତ ବର୍ଷା । କଟକ ସହରରେ ମୌସୁମୀ ବର୍ଷା ଜଳ ବନ୍ଦୀ ସମସ୍ୟା ସୃଷ୍ଟି କରିଛି ।

ସାରା ରାଜ୍ୟରେ ଆରମ୍ଭ ହୋଇଥିବା ମୌସୁମୀ ବର୍ଷା ଆଜି ସକାଳୁ କଟକ ସହରରେ ମଧ୍ୟ ଦେଖିବାକୁ ମିଳିଛି । ମଧ୍ୟାହ୍ନ ସମୟରେ କିଛି ସମୟ ବର୍ଷା ବିରତି ନେଇଥିଲା ବେଳେ ପୁଣି ଜାରି ରହିଛି ବର୍ଷା । ତେବେ ଲଗାଣ ବର୍ଷା ଯୋଗୁ ରାସ୍ତା ଉପରେ ବହୁଛି ଆଣ୍ଠୁଏ ଉଚ୍ଚର ପାଣି । ଏମିତିକି ରାସ୍ତା ଉପରେ କୂଳ ଲଙ୍ଘୁଛି ବର୍ଷା ଜଳ । ଏମିତିକି ଘର ମଧ୍ୟ ପାଣି ପଶିବାର ଦୃଶ୍ୟ ସମ୍ନାକୁ ଆସିଛି । କଟକ ସହରର ବାଦାମବାଡ଼ି, କାଜି ବଜାର, ରୋଭରଷ୍ଟ୍ରିଟ ପଟା ପୋଲ ଅଞ୍ଚଳରେ ଜଳ ବନ୍ଦୀ ସମସ୍ୟା ସୃଷ୍ଟି ହୋଇଛି । ସଟଡାଉନ ଯୋଗୁଁ ରାସ୍ତା ଉପରେ କେହି ନଥିବାରୁ ସମାନ୍ୟ ଜନଜୀବନ ବାଧାପ୍ରାପ୍ତ ହୋଇଛି ।

କଟକରୁ ପ୍ରଭୁକଲ୍ୟାଣ ପାଲ,ଇଟିଭି ଭାରତ