କଟକ:ଜିଲ୍ଲା ମହାନଗର ନିଗମ ପକ୍ଷରୁ ତୁଳସୀପୁରରେ ହରିଣ ପାର୍କ ନିର୍ମାଣ କରାଯାଇ ସେଠାରେ ହରିଣମାନଙ୍କୁ ରଖାଯାଉଛି । ହରିଣମାନଙ୍କୁ ସେଠାରୁ ସ୍ଥାନାନ୍ତର କରିବା ପାଇଁ କେନ୍ଦ୍ରୀୟ ପ୍ରାଣୀ ଉଦ୍ୟାନ କର୍ତ୍ତୃପକ୍ଷ ନିର୍ଦ୍ଦେଶ ଦେଇଥିଲା । ତେବେ ଏହି ନିର୍ଦ୍ଦେଶକୁ କାର୍ଯ୍ୟକାରୀ କରିବା ପାଇଁ ଓଡିଶା ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ।
ହାଇକୋର୍ଟ ଏହି ଘଟଣା ସମ୍ପର୍କରେ ଆସିଥିବା ମାମଲାର ଶୁଣାଣି କରିବା ସମୟରେ, ଆବେଦନକାରୀ ଦରଖାସ୍ତ ସମ୍ପର୍କରେ ବନ ବିଭାଗ ସହମତିରେ ପଦକ୍ଷେପ ନେବାକୁ ସିଏମସି କମିଶନରଙ୍କୁ ନିର୍ଦ୍ଦେଶ ଦେଇଛନ୍ତି । କେନ୍ଦ୍ରୀୟ ଜୁ ଅଥରିଟି ବା କେନ୍ଦ୍ରୀୟ ପ୍ରାଣୀ ଉଦ୍ୟାନ କର୍ତ୍ତୃପକ୍ଷ ଏହି ସ୍ଥାନରୁ ହରିଣମାନଙ୍କୁ ନେଇ ଜଙ୍ଗଲରେ କିମ୍ବା ଅନୁମତି ପ୍ରାପ୍ତ ଚିଡିଆଖାନାରେ ଛାଡିବା ପାଇଁ ନିର୍ଦ୍ଦେଶ ଦେଇଥିଲେ।