କଟକ: ଭୋଟ ବର୍ଜନ ପାଇଁ ଧମକ ଦେଲେ ବଡମ୍ବା ନିର୍ବାଚନ ମଣ୍ଡଳୀ ଅନ୍ତର୍ଗତ ହରିପୁର ବଡ଼ପଣ୍ଡା ସାହିର ଗ୍ରାମବାସୀ । ଗାଁରେ ହୋଇଥିବା କୁକୁ଼ଡା ଫାର୍ମ ଯୋଗୁଁ ଅଧିକାଂଶ ଲୋକେ ରୋଗରେ ପଡୁଛନ୍ତି । ଆଉ ଏ ନେଇ ବାରମ୍ବାର ଅଭିଯୋଗ କଲେ ମଧ୍ୟ କାର୍ଯ୍ୟାନୁଷ୍ଠାନ ଶୂନ୍ୟ । ଏଣୁ ଯଦି ଏ ନେଇ କିଛି ପଦକ୍ଷେପ ନିଆଯିବ ନାହିଁ ତେବେ ଚଳିତ ନିର୍ବାଚନରେ ଭୋଟ ଦେବେ ନାହିଁ ବୋଲି ରୋକଠୋକ ଶୁଣାଇଦେଇଛନ୍ତି ଗ୍ରାମବାସୀ ।
ଗତ କିଛି ବର୍ଷ ଧରି ବଡମ୍ବା ବ୍ଲକ୍ ହରିପୁର ବଡ଼ପଣ୍ଡା ସାହି ଜନବସତି ମଧ୍ୟରେ ନିତ୍ୟାନନ୍ଦ ପ୍ରଧାନ, ରବିନ୍ଦ୍ର ପ୍ରଧାନ 2ଟି କୁକୁଡ଼ା ଫାର୍ମ କରିଛନ୍ତି । ଏଥିଯୋଗୁଁ ଗ୍ରାମବାସୀ ବିଭିନ୍ନ ରୋଗରେ ପୀଡିତ ହେଉଛନ୍ତି। ଏ ସମ୍ପର୍କରେ ଲୋକମାନେ ସ୍ଥାନୀୟ ଲୋକପ୍ରତିନିଧି, ଅଫିସର, ପୋଲିସକୁ ଅଭିଯୋଗ କରିଥିଲେ । ହେଲେ ଏତେ ସବୁ ସତ୍ତ୍ୱେ ସେମାନଙ୍କ କଥାକୁ କେହି ଗୁରୁତ୍ୱ ଦେଉନାହାନ୍ତି ।