ଏକତରଫା ପ୍ରେମକୁ ନେଇ ଯୁବତୀଙ୍କୁ ଛୁରାମାଡ଼, ତଦନ୍ତ ନିର୍ଦ୍ଦେଶ ଦେଲେ ଡିସିପି

ଏକତରଫା ପ୍ରେମକୁ ନେଇ ଯୁବତୀଙ୍କୁ ଛୁରାମାଡ଼ । କଟକରେ ଏକତରଫା ପ୍ରେମକୁ ନେଇ ଯୁବତୀଙ୍କୁ ଛୁରାମାଡ଼ ହୋଇଛି । ଯୁବତୀ କଲେଜରୁ ଫେରୁଥିବା ବେଳେ ତାଙ୍କ ଉପରେ ଛୁରାମାଡ଼ ହୋଇଥିବା ଜଣାପଡ଼ିଛି । ଅଧିକ ପଢନ୍ତୁ

କଟକ:ଏକତରଫା ପ୍ରେମକୁ ନେଇ ଯୁବତୀଙ୍କୁ ଛୁରାମାଡ (Girl stabbed in Cuttack over One sided love)। କଟକ ଜିଲ୍ଲା ସଦର ଥାନାର ପ୍ରତାପନଗରୀଠାରେ ଯୁବତୀଙ୍କୁ ଛୁରାମାଡ କରାଯାଇଛି । ଛାତ୍ରୀ ଜଣଙ୍କ ପରୀକ୍ଷା ଦେଇ ଫେରୁଥିବାବେଳେ ସେହି ଗାଁର ଜଣେ ଯୁବକ ଛୁରାମାଡ କରିଥିବା ସୂଚନା ମିଳିଛି ।

ଏ ନେଇ ଛାତ୍ରୀଙ୍କ ପକ୍ଷରୁ ସଦର ଥାନାରେ ଏତଲା ଦିଆଯାଇଛି । ମିଳିଥିବା ସୂଚନା ମୁତାବକ ଯୁବତୀ ଜଣକ ଜଣେ ଇଞ୍ଜିନିୟରିଂ ଛାତ୍ରୀ ହୋଇଥିବାବେଳେ ଆଜି କଲେଜରୁ ବସରେ ଫେରି ସେ ଚାଲି ଚାଲି ଯାଉଥିଲେ । ଆଉ ଏହି ସମୟରେ ତାଙ୍କ ଗାଁର ଜଣେ ଯୁବକ ଉକ୍ତ ଯୁବତୀଙ୍କ ଉପରେ ଆକ୍ରମଣ କରିଥିଲା । ଏଥିରେ ଯୁବତୀଙ୍କ ହାତ ଓ ଜଙ୍ଘରେ ଗୁରୁତର ଆଘାତ ଲାଗିଥିବାବେଳେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଅଭିଯୁକ୍ତ ଏବେ ଚମ୍ପଟ ମାରିଛି ।

ଯୁବତୀଙ୍କ ହାତରେ ଗଭୀର ଆଘାତ ଲାଗିଥିବା ବେଳେ ରକ୍ତସ୍ରାବ ମଧ୍ୟ ହୋଇଛି । ଯୁବତୀଙ୍କୁ ହସ୍ପିଟାଲରେ ଚିକିତ୍ସା କରାଯାଇଛି । ଅନ୍ୟପଟେ ଏହି ମାମଲାରେ ଆରମ୍ଭ ହୋଇଛି ତଦନ୍ତ । ଉକ୍ତ ଆହତ ଛାତ୍ରୀଙ୍କୁ ମେଡିକାଲରେ ଭର୍ତ୍ତି କରାଯାଇଛି । ପଚରାଉଚରା ଜାରି ରହିଛି । ଖୁବଶୀଘ୍ର ଏହି ମାମଲାରେ ଅଭିଯୁକ୍ତକୁ ଗିରଫ କରାଯିବ ବୋଲି କହିଛନ୍ତି କଟକ ଡିସିପି ।

ଇଟିଭି ଭାରତ, କଟକ