ପୂର୍ବତନ ଡେପୁଟି ମେୟର ଅଜୟ ବାରିକଙ୍କ ଦେହାନ୍ତ

ପରଲୋକରେ ପୂର୍ବତନ କଟକ ମହାନଗର ନିଗମ ଡେପୁଟି ମେୟର ଅଜୟ ବାରିକ । ୫୭ ବର୍ଷ ବୟସରେ ବାଦାମବାଡ଼ି ସ୍ଥିତ ବାସ ଭବନରେ ତାଙ୍କ ଦେହାନ୍ତ ଘଟିଛି । ଅଧିକ ପଢ଼ନ୍ତୁ

କଟକ : ପୂର୍ବତନ କଟକ ମହାନଗର ନିଗମ ଡେପୁଟି ମେୟର ଅଜୟ ବାରିକଙ୍କ ପରଲୋକ । ବାଦାମବାଡ଼ି ସ୍ଥିତ ବାସ ଭବନରେ ତାଙ୍କର ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୫୭ ବର୍ଷ ହୋଇଥିଲା । ଦୀର୍ଘଦିନ ଧରି କ୍ୟାନସର ରୋଗରେ ପୀଡିତ ହୋଇ ଅସୁସ୍ଥ ଥିଲେ ଅଜୟ ।

୨୦୧୪ ରୁ ୨୦୧୯ ପର୍ଯ୍ୟନ୍ତ ସିଏମସିରେ ଡେପୁଟି ମେୟର ଥିଲେ ଅଜୟ ବାରିକ । ବିଜୁ ଜନତା ଦଳର ଜଣେ ଜଣାଶୁଣା ନେତା ଭାବରେ ନିଜର ପରିଚୟ ସୃଷ୍ଟି କରିଥିଲେ । ଏଥିସହ କଟକ ଘରୋଇ ବସ ମାଲିକ ସଂଘର ସାଧାରଣ ସମ୍ପାଦକ ଭାବେ ସେ ଦାୟିତ୍ବ ତୁଲାଇଛନ୍ତି । ଅଜୟ ବାରିକଙ୍କ ଦେହାନ୍ତରେ ଚାରିଆଡେ ଶୋକର ଛାୟା ଖେଳିଯାଇଛି ।

ଇଟିଭି ଭାରତ, କଟକ