କଟକ: ମହାନୀଦୀର ବନ୍ୟାପାଣି ଏବେ କଟକର ବିଭିନ୍ନ ଅଞ୍ଚଳରେ ପ୍ରବେଶ କରୁଛି । ଏହାର ପ୍ରଭାବରେ କଁହେଇପୁର ଅଞ୍ଚଳରେ 80 ଘର ଜଳବନ୍ଦୀ ହୋଇଛନ୍ତି । କଟକ ଏବେ ବନ୍ୟା ପାଣି ଘେରରେ ରହିଛି ।
ପାଣି ଘେରରେ କଟକ କଁହେଇପୁର,80 ପରିବାର ଜଳବନ୍ଦୀ
ରାଜ୍ୟରେ ଲଗାଣ ବର୍ଷା କାରଣରୁ ବିଭିନ୍ନ ସ୍ଥାନରେ ବନ୍ୟା ସ୍ଥିତି ଦେଖାଦେଇଛି । ଗତକାଲିଠୁ ମହାନଦୀ ତଟରେ ଥିବା ଏହି ଅଞ୍ଚଳରେ କ୍ରମାଗତ ଭାବରେ ବଢୁଛି ଜଳସ୍ତର । ଗତକାଲି ରାତିରେ ଛାତିଏ ଲେଖାଏଁ ଜଳ ଏହି ଅଞ୍ଚଳରେ ପ୍ରବାହିତ ହେଉଥିଲା ବେଳେ ଆଜି ସମାନ୍ୟ ପାଣି ଖସିଛି । ହେଲେ ଅନ୍ୟପଟେ ଉପରମୁଣ୍ଡରେ ପ୍ରବଳ ବର୍ଷା ଯୋଗୁଁ ହୀରାକୁଦ ଡ୍ୟାମରୁ 36ଟି ଗେଟ ଯୋଗେ ଜଳ ନିଷ୍କାସନ ଜାରି ରହିଛି । ପୂର୍ବରୁ 28 ଟି ଗେଟ୍ ଦେଇ ବନ୍ୟାଜଳ ନିଷ୍କାସନ ହେଉଥିଲା । ବନ୍ୟା ଜଳ ବର୍ତ୍ତମାନ ସୁଧା ନରାଜ ଓ ମୁଣ୍ଡୁଳିରେ ପହଞ୍ଚିନି । ତେବେ ଜଳ ଆସିଲା ପରେ ସ୍ଥିତି ଅସ୍ବାବିକ ହେବା ଲକ୍ଷ୍ୟ କରାଯାଉଛି । ଯାହାକୁ ନେଇ ସ୍ଥାନୀୟ ଲୋକେ ଏକ ପ୍ରକାରର ଭୟଭୀତ ଅବସ୍ଥାରେ ରହୁଛନ୍ତି ।