କଟକ: ଇତିହାସ ରଚିଲା କଟକ ବଡ଼ମେଡିକାଲ । ପ୍ରଥମଥର ପାଇଁ ଏସସିବିରେ କାଡାଭେରିକ ଟ୍ରାନସ୍ପ୍ଲାଣ୍ଟ କରାଯାଇଛି। କିଡନୀ ହରାଇଥିବା ଜଣେ ଯୁବକ ଏହା ଦ୍ବାରା ନୂତନ ଜୀବନ ପାଇଛନ୍ତି।
ମୃତ ଘୋଷିତ ପ୍ରିୟଙ୍କା ପାତ୍ର ନାମକ ଯୁବତୀଙ୍କ କିଡନୀକୁ ଭୁବନେଶ୍ବର ଆପୋଲ ହସପିଟାଲରୁ ଅଣାଯାଇ ଯୁବକଙ୍କ ଶରୀରରେ ପ୍ରତ୍ୟାରୋପଣ କରାଯାଇଛି। ସାଧାରଣତଃ ଜଣେ ମୃତ ବ୍ୟକ୍ତିଙ୍କ ଠାରୁ ଅଣାଯାଇଥିବା ଅଙ୍ଗକୁ ଅନ୍ୟଜଣଙ୍କ ଠାରେ ପ୍ରତିରୋପଣ କରିବା ବ୍ୟବସ୍ଥା ଓଡିଶା ତଥା କଟକ ବଡ଼ ମେଡିକାଲ ଇତିହାସରେ ନୂଆ ଆଉ ପ୍ରଥମ।
ଗତ ୨୭ ତାରିଖରେ ଏକ ସଡକ ଦୁର୍ଘଟଣାରେ ଗଞ୍ଜାମ ଜିଲ୍ଲା ଦିଗପହଣ୍ଡି ଅଞ୍ଚଳର ପ୍ରିୟଙ୍କାରାଣୀ ପାତ୍ର ଗୁରୁତର ଆହତ ହୋଇ ଆପୋଲ ହସ୍ପିଟାଲରେ ଚିକିତ୍ସିତ ହେଉଥିଲେ । ଗତକାଲି ରାତିରେ ଆପୋଲ ଡାକ୍ତର ପ୍ରିୟଙ୍କାଙ୍କ ମସ୍ତିଷ୍କ ମୃତ ବୋଲି ପରିବାର ଲୋକଙ୍କୁ ଜଣାଇଥିଲେ । ଝିଅର ମୃତ୍ୟୁ ହୋଇଥିବା ନେଇ ପରିବାର ଲୋକ ପ୍ରିୟଙ୍କାଙ୍କ ଅଙ୍ଗପ୍ରତ୍ୟଙ୍ଗ ଦାନ କରିବାପାଇଁ ସମ୍ମତି ପ୍ରଦାନ କରିଥିଲେ।
ଓଡ଼ିଶାରେ ସଫଳ ପ୍ରଥମ କାଡ଼ାଭେରିକ କିଡନୀ ଟ୍ରାନସପ୍ଲାଣ୍ଟ