କଟକ: ରାତି ପାହିଲେ ଦେଶ 72ତମ ଗଣତାନ୍ତ୍ରିକ ଦିବସ ପାଳନ କରିବାକୁ ଯାଉଛି । ତେବେ ରାଜ୍ୟ ଓ ଜିଲ୍ଲାସ୍ତରରେ ମଧ୍ୟ ଏହି ଦିବସ ପାଳନ ହେବାକୁ ଯାଉଛି । ତେବେ କଟକ ଜିଲ୍ଲାରେ ପାଳନ ହେବାକୁ ଥିବା ଜିଲ୍ଲାସ୍ତରୀୟ ସାଧାରଣତନ୍ତ୍ର ଦିବସରେ ମୁଖ୍ୟ ଅତିଥି ଭାବେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଯୋଗ ଦେବେ ବୋଲି ଜଣାପଡିଛି ।
କଟକରେ ଗଣତନ୍ତ୍ର ଦିବସ, ମୁଖ୍ୟ ଅତିଥି ଭାବେ ଯୋଗ ଦେବେ ଅର୍ଥମନ୍ତ୍ରୀ ନିରଞ୍ଜନ
ବାରବାଟୀ ଷ୍ଟାଡିୟମରେ ହେବାକୁ ଥିବା ସାଧାରଣତନ୍ତ୍ର ଦିବସ ଉତ୍ସବ ପରେଡରେ ଅର୍ଥମନ୍ତ୍ରୀ ଅଭିବାଦନ ମଧ୍ୟ ଗ୍ରହଣ କରିବେ । ତେବେ କୋଭିଡ କଟକଣାକୁ ଦୃଷ୍ଟିରେ ରଖି ଏହି ଉତ୍ସବରେ ହେବାକୁ ଥିବା ପରେଡରେ ସ୍କୁଲ ଏବଂ କଲେଜର ଛାତ୍ରଛାତ୍ରୀମାନଙ୍କୁ ସାମିଲ କରାଯିବ ନାହିଁ ।