କଟକ: ଆଜି ପଵିତ୍ର ମହାଳୟା । ପରମ୍ପରା ଅନୁଯାୟୀ ମୃଣ୍ମୟୀ ମୂର୍ତ୍ତିରେ ଆଜିଠାରୁ ଖଡି ଲାଗି କରାଯାଇଛି । ବିଶ୍ୱାସ ରହିଛି ଏହି ଦିନ ଠାରୁ ମୃଣ୍ମୟୀ ମୂର୍ତ୍ତି ଠାରେ ଖଡି ଲାଗି କରାଯାଇ ରଙ୍ଗ କାର୍ଯ୍ୟ ଆରମ୍ଭ ହୋଇଥାଏ । ଏହି ଅବସରରେ ସହରର ବିଭିନ୍ନ ପୂଜା ମଣ୍ଡପ ଠାରେ ଖଡି ଲାଗି କରାଯାଇଛି । କଟକର ଖାନନଗର ପୂଜା ମଣ୍ଡପରେ ପୂଜାପରେ ରଙ୍ଗ କାର୍ଯ୍ୟ ଆରମ୍ଭ ହୋଇଛି । ସେହିପରି ବିଭିନ୍ନ ମଣ୍ଡପରେ କମ ସମୟ କାରଣରୁ ଅଧିକ କାରିଗର ସାହାଯ୍ୟରେ ରଙ୍ଗ କାର୍ଯ୍ୟ ଶେଷ କରିବାକୁ ଲକ୍ଷ୍ୟ ରଖିଛନ୍ତି ପୂଜା ମଣ୍ଡପର କର୍ମକର୍ତ୍ତା ।
ପାଖେଇ ଆସୁଛି ଦଶହରା । ଆଉ ମାତ୍ର ଦିନ କେଇଟା ପୂଜା ମଣ୍ଡପରେ ପୂଜା ପାଇବେ ମାଆ ଦଶଭୂଜା । ଏଥି ପାଇଁ ଚଳଚଞ୍ଚଳ ହୋଇ ଉଠିଲାଣି କଟକ ସହର । ଆଜି ପବିତ୍ର ମହାଳୟା ଥିବାରୁ ଆଜିଠାରୁ ଆରମ୍ଭ ହୋଇଛି ମାଙ୍କ ରଙ୍ଗ କାର୍ଯ୍ୟ । ଆଜି ଖଡି ଲାଗି ଅମାବାସ୍ୟାରେ ମୃଣ୍ମୟୀ ମୂର୍ତ୍ତି ଠାରେ ଖଡି ଲାଗି କରାଯିବାର ପରମ୍ପରା ରହିଛି । ଆଉ ଏହି ପରମ୍ପରା ଅନୁଯାୟୀ ପୂଜା ମଣ୍ଡପ ଠାରେ ପ୍ରଥମେ ପୂଜା କରାଯାଇଥିଲା । ପରେ ମୃଣ୍ମୟୀ ମୂର୍ତ୍ତି ଠାରେ ଖଡି ଲାଗି କରିଥିଲେ ମୂର୍ତ୍ତୀ କାରିଗର ।
ମୂର୍ତ୍ତି କାରିଗର ରାକେଶ ବେହେରା କହିଛନ୍ତି, ‘‘ହାତରେ ଆଉ ମାତ୍ର କମ ଦିନ । ସେଥିପାଇଁ ପ୍ରତି ମଣ୍ଡପ ଠାରେ ଏକାଧିକ କାରିଗର ଲାଗି ପଡିଛନ୍ତି ମାଙ୍କ ମୂର୍ତ୍ତୀ କାର୍ଯ୍ୟରେ । ସବୁଠାରୁ ବଡ କଥା ହେଉଛି,ଏଥର ମହାଳୟା ଠାରୁ ପୂଜା କମ ଦିନର ବ୍ୟବଧାନ ରହିଥିବାରୁ ମୂର୍ତ୍ତିରେ ରଙ୍ଗ ଦେବା କାର୍ଯ୍ୟପାଇଁ କମ ସମୟ ରହିଛି । ତେବେ ଆସନ୍ତା ଷଷ୍ଠୀ ପୂଜାପୂଜା ପୂର୍ବରୁ ରଙ୍ଗ କାର୍ଯ୍ୟ ଶେଷ କରିବାକୁ ଲକ୍ଷ୍ୟ ରଖାଯାଇଛି ।’’