କଟକ: ପୁଣି ନକଲି ଔଷଧ (Duplicate Medicine) ଜବତ । ଠାବ ହେଲା ଲକ୍ଷାଧିକ ଟଙ୍କାର ବିଷାକ୍ତ ଔଷଧ । କଟକ ପୁରୀଘାଟ ପୋଲିସ ଓ ଡ୍ରଗ୍ସ କଣ୍ଟ୍ରୋଲ ବିଭାଗର ( Drug control Administration raid) ମିଳିତ ଟିମ କଳା ତାଲିକା ଭୁକ୍ତ ଭି. ଆର୍ ଏଜେନ୍ସିର ପ୍ରାୟ 15ସହ ଷ୍ଟ୍ରିପ ଔଷଧକୁ ଜବତ କରିଛି । ଜବତ ସମସ୍ତ ଔଷଧ ପୂର୍ବରୁ ଜବତ ହୋଇଥିବା ଟେଲମା ବ୍ରାଣ୍ଡର ଏବଂ କଟକ ମହତାବ ରୋଡ଼ ଠାରେ ଥିବା ଏକ ଟ୍ରାନ୍ସପୋର୍ଟରୁ ଏହି ଔଷଧ ଗୁଡିକୁ ସିଜ କରାଯାଇଛି ।
କଟକରୁ ପୁଣି ଲକ୍ଷାଧିକ ଟଙ୍କାର ନକଲି ଔଷଧ ଠାବ ସୂଚନା ଅନୁଯାୟୀ, କଲିକତାର ଏକ ସଂସ୍ଥା ପ୍ରାୟ 3ଲକ୍ଷ ଟଙ୍କା ମୂଲ୍ୟର ବିଷାକ୍ତ ଔଷଧ ଭି. ଆର ଏଜେନ୍ସିକୁ କୋରିଅର କରିଥିଲା । ଏନେଇ ଗତ 10 ତାରିଖ ଦିନ ଏହି ଔଷଧ କଲିକତାରୁ ଆସି କଟକରେ ପହଞ୍ଚିଥିଲା । କିନ୍ତୁ ସେହି ଦିନ ଭି.ଆର ଏଜେନ୍ସିର ମାଲିକ ଗିରଫ ହୋଇଥିଲେ । ଫଳ ସ୍ବରୂପ ଟ୍ରାନ୍ସପୋର୍ଟ ଯୋଗେ ଆସିଥିବା ଏହି ନକଲି ଔଷଧ ରିସିଭ ନ ହୋଇ ଟ୍ରାନ୍ସପୋର୍ଟରେ ହିଁ ରହି ଯାଇଥିଲା ।
ଏହା ମଧ୍ୟ ପଢନ୍ତୁ:ନକଲି ଔଷଧ ବାବଦରେ ଗୁରୁତ୍ବପୂର୍ଣ୍ଣ ତଥ୍ୟ ପୋଲିସ ହାତରେ ଲାଗିଛି : କଟକ ଡିସିପି
ତେବେ ତଦନ୍ତ ସମୟରେ ଗଚ୍ଛିତ ଥିବା ଏହି ଔଷଧ ବାବଦରେ ପୋଲିସ ଓ ଡ୍ରଗ୍ସ କଣ୍ଟ୍ରୋଲ ବିଭାଗକୁ ସୂଚନା ମିଳିଥିଲା । ତେବେ ଏହି ଭଳି ଅନେକ ଟ୍ରାନ୍ସପୋର୍ଟରେ ଭି.ଆର ଏଜେନ୍ସିର ଔଷଧ ଗଚ୍ଛିତ ଥିବା ଆଶଙ୍କା ବୃଦ୍ଧି ପାଇଛି । ତେବେ ସେଥିପାଇଁ କଟକରେ ଥିବା 15 ଟି ଟ୍ରାନ୍ସପୋର୍ଟର ଷ୍ଟକ ଯାଞ୍ଚ କରାଯିବ ବୋଲି ପୋଲିସ ପକ୍ଷରୁ ଜଣାପଡିଛି ।
ଏହା ମଧ୍ୟ ପଢନ୍ତୁ:ନକଲି ଔଷଧ ମାମଲା, ଦୁଇ ଅଭିଯୁକ୍ତ ଗିରଫ
ସୂଚନା ଥାଉକି, " କିଛି ଦିନ ପୂର୍ବେ ଏହି ନକଲି ଔଷଧ କାରବାର ଘଟଣାକୁ ଗୁରୁତର ସହ ନେଇଥିଲା କମିଶନରେଟ ପୋଲିସ । ଜବତ ଔଷଧ ଗୁଡିକ ନକଲି ଥିବା ସହିତ ବିଷାକ୍ତ ବୋଲି ଡ୍ରଗ୍ସ କଣ୍ଟ୍ରୋଲ ବିଭାଗ ରିପୋର୍ଟ ଦେବା ପରେ ତଦନ୍ତକୁ ଆହୁରି ଗଭୀର କରିଥିଲା ପୋଲିସ । ସେହି ତଥ୍ୟକୁ ଆଧାର କରି ତଦନ୍ତ କରାଯିବା ଏବଂ ଗିରଫ ଦୁଇ ଷ୍ଟକିଷ୍ଟଙ୍କ ଠାରୁ ଔଷଧ କିଣିଥିବା ଅସାଧୁ ବ୍ୟବସାୟୀଙ୍କ ତାଲିକା ପ୍ରସ୍ତୁତ କରାଯାଇଥିଲା । ତେବେ ଏନେଇ ଗିରଫ ହୋଇଥିବା ଅଭିଯୁକ୍ତଙ୍କ ଆକାଉଣ୍ଟରୁ 12 ଲକ୍ଷ ଟଙ୍କା ଫ୍ରିଜ କରିଥିଲା ପୋଲିସ । ନକଲି ଔଷଧ କାରବାର ଅଭିଯୋଗ ପରେ ତତ୍ପର ଡ୍ରଗ୍ସ ବିଭାଗ । ଡ୍ରଗ୍ସ କଣ୍ଟ୍ରୋଲ ବିଭାଗ ଟିମ ପକ୍ଷରୁ କଟକର ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା ।
ଇଟିଭି ଭାରତ , କଟକ
