କଟକ: ଘର ସମ୍ମୁଖରେ ଜମି ରହିଛି ସ୍ୱରେଜର ନର୍ଦ୍ଦମା ପାଣି । ଦୁର୍ଗନ୍ଧମୟ ପରିବେଶରେ ରହିବା ଅସମ୍ଭବ ହୋଇ ପଡିଛି । ସେ ସକାଳ ହେଉ କି ସନ୍ଧ୍ୟା ସବୁବେଳେ ଏହି ନର୍ଦ୍ଦମା ପାଣି ସତେ ଯେମିତି ସିଡିଏ ସେକ୍ଟର ଆଠର ବାସିନ୍ଦାଙ୍କୁ ନିର୍ଯାତନା ଦେଉଛି । ବିଡାନାସୀ ବା ସାଟେଲାଇଟ ସିଟିରେ ରହିବାର ସ୍ବପ୍ନ ଦେଖିଥିଲେ ସ୍ଥାନୀୟ ବାସିନ୍ଦା। ହେଲେ ଘର ସମ୍ମୁଖରେ ଲହଡି ମାରୁଥିବା ଏହି ନର୍ଦ୍ଦମା ପାଣି ଚଳିବାରେ ସମସ୍ୟା ସୃଷ୍ଟି କରିଛି । ତେବେ 1984 ମସିହାରେ ଅଭିନବ ବିଡାନାସୀ ବା ସିଡିଏ ସାଟେଲାଇଟ ସିଟିର ହୋଇଥିଲା ପରିକଳ୍ପନା । ଜାନକୀବଲ୍ଲଭ ମୁଖ୍ୟମନ୍ତ୍ରୀ ଓ ବସନ୍ତ ବିଶ୍ବାଳ ଗୃହ ଓ ନଗର ଉନ୍ନୟନ ମନ୍ତ୍ରୀ ଥିବା ବେଳେ ଆରମ୍ଭ ହେଇଥିଲା ଉଦ୍ୟମ । ଯାହାକୁ ନେଇ ଜନସାଧାରଣ ବେଶ ଖୁସି ହୋଇ ସିଡିଏରେ ଯାଗା ଖଣ୍ଡେ କିଣି ଘର ଟିଏ କରିଥିଲେ ହେଲେ । ଏବେ ଭୋଗୁଛନ୍ତି ଦୁର୍ଦ୍ଦଶା। ବାରମ୍ବାର ଅଭିଯୋଗ ପରେ ବି କେହି ଶୁଣୁ ନଥିବାରୁ ନିରାଶ ହୋଇଛନ୍ତି ସ୍ଥାନୀୟ ବାସିନ୍ଦା ।
ଅନ୍ୟପଟେ ଆଜି ଏହି ଘଟଣା ସ୍ଥଳ ବୁଲି ଦେଖିବା ସହ କିପରି କାର୍ଯ୍ୟ ଶୀଘ୍ର ଶେଷ ହେବ ସେନେଇ ସ୍ପଷ୍ଟ କରିଛନ୍ତି ମେୟର । ଗତକାଲିଠୁ ସିଡିଏ 8 ନମ୍ବର ରାସ୍ତା ଉପରେ ଲହଡି ମାରୁଛି ସ୍ବରାଜ ପାଣି । ଯାହାକୁ ନେଇ ଅନେକ ଅସୁବିଧା ଉପୁଜିଛି। ଜନସଂଖ୍ୟା ଆଧାରରେ ଗତ ବର୍ଷ ତୁଳନାରେ ସିଡିଏରେ ବଢିଛି ଜନସଂଖ୍ୟା ସେଥିପାଇଁ ଏହି ଅସୁବିଧା ଉପୁଜିଛି । ଏହାର ସ୍ଥାୟୀ ସମାଧାନ ପାଇଁ ଆଜି ସମସ୍ତ ଦିଗକୁ ସମୀକ୍ଷା କରଯାଇଛି । କେବଳ ପେଟାନାଳର ଉନ୍ନତିକରଣ କାର୍ଯ୍ୟ ପାଇଁ ସ୍ୱରେଜ ଜଳ ଓଭରଫ୍ଲୋ ହୋଇ ରାସ୍ତା ଉପରକୁ ଆସିଯାଇଛି । ତେବେ ଏହାର ସମାଧାନ ଖୁବଶୀଘ୍ର କରାଯିବ ବୋଲି କହିଛନ୍ତି ମେୟର ସୁବାସ ସିଂ।