କଟକ: ରେଭେନ୍ସା ବିଶ୍ବବିଦ୍ୟାଳୟର ନ୍ୟୁ ହଷ୍ଟେଲରେ ଆଜି ଡାଇମଣ୍ଡ ଜୁବଲୀ ଜୟନ୍ତୀ ପାଳିତ ହୋଇଯାଇଛି । ଏହି ହୀରକ ଜୟନ୍ତୀ ପାଳନ ଉତ୍ସବରେ ମୁଖ୍ୟଅତିଥି ଭାବେ ପଦ୍ମଶ୍ରୀ ପ୍ରଫେସର ଦେବୀପ୍ରସନ୍ନ ପଟ୍ଟନାୟକ ଯୋଗଦେଇଥିଲେ । ସେହିପରି ମୁଖ୍ୟବକ୍ତା ଭାବେ ପଦ୍ମଶ୍ରୀ ପ୍ରିୟମ୍ବଦା ମହାନ୍ତି ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ପଦ୍ମଶ୍ରୀ ଦିଲ୍ଲୀପ ତୀର୍କି ଯୋଗ ଦେଇଥିଲେ ।
ରେଭେନ୍ସା ନ୍ୟୁ ହଷ୍ଟେଲରେ ଡାଇମଣ୍ଡ ଜୁବଲି, ଯୋଗଦେଲେ ହକି ଇଣ୍ଡିଆ ସଭାପତି ଏହି ଛାତ୍ରାବାସରେ ରହି ପାଠ ପଢିଥିବା ରେଭେନ୍ସା କୂଳପତି ସଞ୍ଜୟ କୁମାର ନାୟକଙ୍କ ସହ ରାଜ୍ୟର ବହୁ ବିଶିଷ୍ଠ ବ୍ୟକ୍ତି ଓ ବିଶ୍ବବିଦ୍ୟାଳୟର ଛାତ୍ରଛାତ୍ରୀ ଯୋଗ ଦେଇଥିଲେ । ରେଭେନ୍ସା ଅତୀତ ଓ ବର୍ତ୍ତମାନରେ ଅନେକ ବ୍ୟକ୍ତିଙ୍କୁ ସମାଜର ଏକ ସ୍ୱତନ୍ତ୍ର ସ୍ଥାନରେ ବସାଇଛି ।
ସେ ଆଇପିଏସ ଓ ଆଇଏଏସ ହେଉ କି ଅନ୍ୟ ପଦବୀ । ସବୁ ଦିଗରେ ରେଭେନ୍ସା ଗଢ଼ିଥାଏ ମୂଳଦୁଆ । ତେବେ ହଷ୍ଟେଲରେ ରହି ପିଲାମାନେ ପାଠ ପଢିବା ମଧ୍ୟ ଗୋଟିଏ ବିଦ୍ୟାର୍ଥୀ ପାଇଁ ଆନନ୍ଦର ବିଷୟ । ତେଣୁ ରେଭେନ୍ସା ଅତୀତ ବର୍ତ୍ତମାନ ଓ ଭବିଷ୍ୟତରେ ଯେଉଁ ପ୍ରତିଷ୍ଠା ରହିଥିଲା ତାହା ସର୍ବଦା ବଜାୟ ରହିବ ବୋଲି କହିଛନ୍ତି ହକି ଇଣ୍ଡିଆ ସଭାପତି ଦିଲ୍ଲୀପ ତିର୍କୀ ।
ଏହି ଅବସରରେ ହକି ଇଣ୍ଡିଆ ସଭାପତି ଦିଲୀପ ତିର୍କୀ କହିଛନ୍ତି "ରେଭେନ୍ସା ୟୁନିଭର୍ସିଟି ଗୋଟିଏ ଖାଲି ନାଁ ନୁହେଁ ଏଠାରୁ ମଡର୍ଣ୍ଣ ଓଡ଼ିଶାର ପ୍ରାରମ୍ଭ ମୁଁ କରିବି। ଏହା ଭିତରେ ବହୁତ ଇତିହାସ ଲୁଚି ରହିଛି । ଯାହା ଆମେ ଦେଖିପାରୁଛେ । ଏହି ୟୁନିଭର୍ସିଟିରୁ ପାଠପଢ଼ି ଅନେକ ଲୋକ ବଡ଼ ପଦବୀରେ ଅଛନ୍ତି। ତେବେ ଆଜି ଏହି ୟୁନିଭର୍ସିଟିକୁ ଆସି ଆୟୋଜିତ ହୋଇଥିବା ଡାଇମଣ୍ଡ ଜୁବଲୀରେ ଯୋଗ ଦେଇଥିବାରୁ ମୁଁ ବହୁତ ଖୁସି ।"
ଇଟିଭି ଭାରତ, କଟକ
