କଟକ: ଜେଇଇ ମେନର ଦ୍ୱିତୀୟ ପର୍ଯ୍ୟାୟ ପରୀକ୍ଷାରେ 99.95 ପ୍ରତିଶତ ମାର୍କ ରଖି କଟକର ଦେବାଶିଷ ପଣ୍ଡା ଓଡିଶା ଟପ୍ପର ହୋଇଛନ୍ତି । ନେସନାଲ ଟେଷ୍ଟିଙ୍ଗ ଏଜେନ୍ସି ପକ୍ଷରୁ ରେଜଲ୍ଟ ଜାଣିବା ପରେ ଦେବାଶିଷଙ୍କ ପରିବାରରେ ଖୁସିର ଲହରୀ ଖେଳିଯାଇଛି । ଏହି ସଫଳତା ପାଇଁ ପ୍ରତିକ୍ରିୟା ରଖିଛନ୍ତି ଦେବାଶିଷ ।
'ଅନଲାଇନରେ କ୍ଲାସ ଯୋଗୁଁ କିଛିଟା କଷ୍ଟ ଅନୁଭବ ହୋଇଥିଲା । ମାତ୍ର ଶିକ୍ଷକମାନେ ଏଭଳି ଘଡସନ୍ଧି ମୂହୁର୍ତ୍ତରେ ପୂର୍ଣ୍ଣ ସହଯୋଗ କରିଥିଲେ । ଏହାସହ ବାପାମାଆ ମଧ୍ୟ ଏଥିରେ ସହଯୋଗ କରିଥିଲେ । ଯାହାଫଳରେ ମୁଁ ଏହି ସଫଳତା ହାସଲ କରିପାରିଛି' ବୋଲି କହିଛନ୍ତି ଟପ୍ପର ଦେବାଶିଷ । ତେବେ ଆଗାମୀ ଦିନରେ ସେ ଏକ ବୈଜ୍ଞାନିକ ହେବାକୁ ଲକ୍ଷ୍ୟ ରଖିଥିବା ଜଣାଇଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ