କଟକ: ପ୍ରତ୍ୟେକ ମଣିଷର କିଛି ନା କିଛି ନିଶା ରହିଥାଏ । ଯାହାକୁ ପୂରଣ କରିବା ପାଇଁ ସମସ୍ତ ସାମର୍ଥ୍ୟ ଲଗାଇଥାଏ ମଣିଷ । ସେ ଯେଉଁ ଦିଗ ହେଉନା କାହିଁକି ସଫଳତା ପାଇବା ପାଇଁ ସର୍ଵଦା ବ୍ୟଗ୍ର ରହିଥାଏ ସେ । ଏପରି ଏକ ନିଶାରେ ଅଛନ୍ତି କଟକ ଗଣ୍ଡରପୁର ଅଞ୍ଚଳର 16 ବର୍ଷ ବାଳକ ଦେବାର୍ଚ୍ଚନ ଦିବ୍ୟାଙ୍ଗ । ପିଲା ବେଳଠୁ ତାଙ୍କର ଗୋଟିଏ ନିଶା ବିଶ୍ବର ସମସ୍ତ ଦେଶର ମୁଦ୍ରା ସଂଗ୍ରହ କରିବା । ଆଉ ଆଜି ତାଙ୍କୁ ଏହି ନିଶା ଅନେକ ଲୋକଲୋଚନକୁ ଆଣିଛି । ଏଯାବତ୍ ସେ 140 ଦେଶର ମୁଦ୍ରା ଓ 160 ଦେଶର ନୋଟ ସଂଗ୍ରହ କରି ସାରିଛନ୍ତି ।
ପିଲାବେଳର ସେହି ଗୋଟିଏ କାହାଣୀ ଆଜି ତାଙ୍କ ନିଶାକୁ ଏକ ପେଶାରେ ପରିଣତ କରିସାରିଛି । ଯେତେବେଳେ ସେ ପରିବାର ସହ ନେପାଳ ଯାଇଥିଲେ ସେହି ସମୟରେ ନେପାଳର ଟଙ୍କାକୁ ଦେଖିଥିଲେ । ନିଜ ଦେଶର ଟଙ୍କା ଠାରୁ ନେପାଳର ଭିନ୍ନ ପ୍ରକାରର ଟଙ୍କା ଦେଖି ତାଙ୍କୁ ଘାରିଛି ବିଦେଶୀ ଟଙ୍କା ସଂଗ୍ରହର ନିଶା । ସେ ସବୁ ଦେଶର ନୋଟ ଓ କଏନ ସଂଗ୍ରହ କରିବା ନେଇ ମଧ୍ୟ ଲକ୍ଷ୍ୟ ରଖିଛନ୍ତି । ତେବେ ଏହି ପରିପ୍ରେକ୍ଷୀରେ ଗୋଟିଏ କଥା କୁହାଯାଇପାରେ ଏହା ତାଙ୍କର ସୌଖ ନୁହେଁ ବରଂ ତାଙ୍କ ଜୀବନର ଅଙ୍ଗ ।