କଟକ: ରାସ୍ତା ଉପରେ ମୃତଦେହ ରଖି ପ୍ରତିବାଦ। କ୍ଷତିପୂରଣ ନହେଲେ ଉଠିବନି ମରଶରୀର। ଏମିତି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି କଟକ ନର୍ସିଂପୁର ଅଞ୍ଚଳରେ । ଘଟଣାଟି ଏମିତି ଯେ କାନପୁର ଥାନା ଅନ୍ତର୍ଗତ ଏକଡ଼ାଳ ସ୍ଥିତ ଏକ ଘରୋଇ ନର୍ସିଂହୋମରେ ଅପରେସନ ସମୟରେ ଜନୈକ ଯୁବକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି।
ଅପରେସନ ରୁମରେ ମୃତ୍ୟୁ, ରାସ୍ତା ଅବରୋଧ କଲେ ପରିବାର ଲୋକେ
କ୍ଷତିପୂରଣ ବାବଦ ୨୦ ଲକ୍ଷ ଟଙ୍କା ସହିତ ନର୍ସିଂହୋମକୁ ସିଜ କରିବା ଦାବିରେ ମୃତଦେହ ରଖି ମୃତକଙ୍କ ପରିବାର ଓ ଗ୍ରାମବାସୀଙ୍କ ପକ୍ଷରୁ ବାଗଧରିଆ ଛକ ଠାରେ ରାଜପଥକୁ ଟାୟାର ଜାଳି ରାସ୍ତା ଅବରୋଧ କରିଛନ୍ତି ପରିବାର ଲୋକେ। ଉତ୍ୟକ୍ତ ଲୋକେ ସକାଳ 6ଟା ଠାରୁ ରାସ୍ତା ଅବରୋଧ କରିବା ଦ୍ବାରା ଗାଡ଼ି ଚଳାଚଳ ସହିତ ଜୀବନ ଯାତ୍ରା ବ୍ୟାହତ ହୋଇଥିବା ଦେଖିବାକୁ ମିଳିଛି।