କଟକ: ଆସନ୍ତା ମାସ ନଭେମ୍ବର ମାସରେ ଜିଲ୍ଲା କୋରୋନାମୁକ୍ତ ହୋଇପାରେ ବୋଲି ଆଶାପ୍ରକଟ କରିଛନ୍ତି ଜିଲ୍ଲାପାଳ ଭବାନୀ ଶଙ୍କର ଚୟିନୀ । ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା କମିଥିବା ବେଳେ କୋରୋନା ଜନିତ ମୃତ୍ୟୁ ସଂଖ୍ୟା ମଧ୍ୟ କମିଛି । ଏହାକୁ ଦୃଷ୍ଟିରେ ରଖି ଜିଲ୍ଲାପାଳ ଏଭଳି ଆଶା ବାନ୍ଧିଥିବାର ଜଣାପଡିଛି ।
ନଭେମ୍ବରରେ କୋରୋନାମୁକ୍ତ ହେବ କଟକ !
ପୂର୍ବ ଅପେକ୍ଷା ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟାରେ ରୋକ ଲାଗିଛି । ଗତ ଅଗଷ୍ଟ ମାସରେ ହଠାତ୍ ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଥିଲା । କିନ୍ତୁ ଚଳିତ ମାସ କୋରୋନା ଆକ୍ରାନ୍ତଙ୍କ ସଂଖ୍ୟା ନିୟନ୍ତ୍ରଣକୁ ଆସିଛି । କିଛି ଦିନ ହେବ ଜିଲ୍ଲା ଏବଂ ସହରରେ କୋରୋନା ସଂଖ୍ୟା ହ୍ରାସ ପାଇବାର ଲାଗିଛି । କୋରୋନା ଜନିତ ମୃତ୍ୟୁ ସଂଖ୍ୟା ମଧ୍ୟ କମିବାରେ ଲାଗିଛି।