କଟକ: ଚାଲିଛି ପାର୍ବଣ । ମା’ ଜଗତ ଜନନୀଙ୍କ ପୂଜାରେ ପ୍ରକମ୍ପିତ ପରିବେଶ । ସବୁଠି ଉତ୍ସବର ମାହୋଲ । ତେବେ ପାର୍ବଣ ସମୟରେ କଟକ ଦଶହରା ଟିକେ ନିଆରା । ଏଠି ସମସ୍ତ ସମ୍ପ୍ରଦାୟ ସବୁ ପର୍ବପର୍ବାଣୀକୁ ମିଳିତ ଭାବେ ପାଳନ କରନ୍ତି । ଏପରିକି ଦଳ ମତ ନିର୍ବିଶେଷରେ ସମସ୍ତ ମିଳି ମିଶି ମା’ଙ୍କୁ ପୂଜା କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଆଜି ମହାମାୟାଙ୍କ ମହାନବମୀ ଉପଲକ୍ଷେ କଟକର ବିଭିନ୍ନ ପୂଜା ମଣ୍ଡପ ବୁଲି ମାଙ୍କ ଦର୍ଶନ କରିଛନ୍ତି ବିଭିନ୍ନ ଦଳର ବିଧାୟକ, ପୂର୍ବତନ ବିଧାୟକ ଓ କର୍ମୀ । କଟକ ବାରବାଟୀ ବିଧାୟକ ମହମ୍ମଦ ମୋକିମ ଆଜି କଟକର ବିଭିନ୍ନ ପୂଜା ମଣ୍ଡପ ବୁଲିବା ସହ କହିଛନ୍ତି ସମସ୍ତ ମଣ୍ଡପ ଯାଇ ମା’ଙ୍କ ଦର୍ଶନ କରିବା ଦ୍ବାରା ଭାଇଚାରା ଆହୁରି ସୁଦୃଢ ହୋଇଥାଏ ।