କଟକ: କଟକ ମହାନଗର ନିଗମ(CMC) ମେୟରଙ୍କ କାର୍ଯ୍ୟାଳୟରେ ଥିବା ଶୌଚଳୟରେ ନାହିଁ କବାଟ । କବାଟ ଲଗାଇବା ପାଇଁ ଅର୍ଥ ନାହିଁ । ଗତକାଲି ସିଏମସି କାଉନସିଲ ବୈଠକରେ ଏହା କହିଥିଲେ ମେୟର ସୁବାସ ସିଂ । ମେୟରଙ୍କ ଏହି ଅସହାୟତା ପରେ ଆଜି କଟକ କଂଗ୍ରେସ ନିଜ ଟଙ୍କାରୁ ଏକ କବାଟ କିଣି ସିଏମସି କମିଶନରଙ୍କ ଜରିଆରେ ମେୟର ସୁବାସ ସିଂଙ୍କୁ ପ୍ରଦାନ କରିଛି (bathroom-door-to-CMC-mayor)। ଏହି ଘଟଣାକୁ ନେଇ କଟକରେ ଚର୍ଚ୍ଚା ଜୋର ଧରିଛି ।
ଘଟଣା ଅନୁସାରେ ଗତକାଲି ସିଏମସି ବୈଠକରେ ଅର୍ଥାଭାବ ଯୋଗୁଁ ସିଏମସିର ବାଥରୁମ କବାଟ ଲଗେଇ ହେଉନାହିଁ ବୋଲି ମେୟର ସୁବାସ ସିଂହ କାଉନସିଲ ବୈଠକରେ କହିଥିଲେ। ଯାହାକୁ ନେଇ ଆଜି ଏକ ଅଭିନବ ଉପାୟରେ କଟକ କଂଗ୍ରେସ ସଭାପତି ମାନସ ଚୌଧୁରୀ ଏକ କବାଟ ଧରି ପହଞ୍ଚି ଯାଇଥିଲେ ସିଏମସି କାର୍ଯ୍ୟାଳୟରେ । ଆଉ ମେୟର ଅନୁପସ୍ଥିତ ଥିବାରୁ ସିଏମସି କମିଶନରଙ୍କୁ ବାଥରୁମ କବାଟ ପ୍ରଦାନ କରିଥିଲେ । କେବଳ ସେତିକି ନୁହେଁ ବାଥରୁମ କବାଟ ଲଗାଇବା ପାଇଁ ପାଞ୍ଚ ଶହ ଟଙ୍କା ପ୍ରଦାନ କରିଥିଲେ । ଯାହାକୁ ନେଇ ପୁରା ତାଜୁବ ହୋଇଯାଇଥିଲେ ସିଏମସି କମିଶନରଙ୍କ ଠାରୁ ଆରମ୍ଭ କରି କାର୍ଯ୍ୟାଳୟ କର୍ମଚାରୀ ।