କଟକ: ଭାରତରେ ଯଦି କେହି ଡିଜିଟାଲ ଯୁଗର ପ୍ରାରମ୍ଭ କରିଥାଏ ସେ ହେଉଛନ୍ତି ସ୍ବର୍ଗତ ରାଜୀବ ଗାନ୍ଧୀ । ଯାହାକୁ ଆଜି ସାରା ଦେଶ ଆପଣାଇଛି। କେଵଳ ସେତିକି ନୁହେଁ ଦେଶ ପାଇଁ ସେ ଅନେକ ବିକାଶ ମୂଳକ କାର୍ଯ୍ୟ କରି ଯାଇଛନ୍ତି ଯାହକୁ ଆଜି ବି ଦେଶ ମନେ ପକାଉଛି । ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗତ ରାଜୀବ ଗାନ୍ଧୀଙ୍କ 75ତମ ଜୟନ୍ତୀ ପାଳନ ଅବସରରେ ବାରବାଟିରୁ କଂଗ୍ରେସ ବିଧାୟକ ମହମ୍ମଦ ମୋକିମ ଏପରି ମତ ରଖିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ସାରା ଭାରତରେ ମଙ୍ଗଳବାର ଭାରତ ରତ୍ନ ସ୍ବର୍ଗତ ରାଜୀବ ଗାନ୍ଧୀଙ୍କ ଜୟନ୍ତୀ ପାଳନ ହେଉଥିବା ବେଳେ କଟକ ଜିଲ୍ଲା ନଗର କଂଗ୍ରେସ ମଧ୍ୟ ପାଳନ କରିଛି ପୂର୍ବତନ ପ୍ରଧାନ ମନ୍ତ୍ରୀଙ୍କ ଜନ୍ମ ଜୟନ୍ତୀ । ଦେଶ ପ୍ରତି ରାଜୀବ ଗାନ୍ଧୀଙ୍କ ଅବଦାନ ବିଷୟରେ ଆଲୋଚନା କରିଥିଲେ କଂଗ୍ରେସ ନେତା ।