ନିଆଳି: କଟକ ଜିଲ୍ଲାପାଳଙ୍କ ବନ୍ଯାଞ୍ଚଳ ପରିଦର୍ଶନ । କଟକ ଜିଲ୍ଲାର ନିଆଳି ଓ କଣ୍ଟାପଡ଼ା ବ୍ଲକ ବନ୍ୟାଞ୍ଚଳ ପରିଦର୍ଶନ କରି ସ୍ଥିତି ସମୀକ୍ଷା କରିବା ସହ କ୍ଷୟକ୍ଷତି ଆକଳନ କରିଛନ୍ତି ଜିଲ୍ଲାପାଳ ଭବାନୀ ଶଙ୍କର ଚଇନି ।
କଟକ ଜିଲ୍ଲାପାଳ ଆଜି ପ୍ରଥମେ କଣ୍ଟାପଡ଼ା ବ୍ଲକ ବ୍ରାହ୍ମଣ ସାଇଲୋ ପଞ୍ଚୟତ ଅନ୍ତର୍ଗତ କନ୍ଦଳ ନଦୀ ଆଡିବନ୍ଧ ପରିଦର୍ଶନ କରିବା ସହ ବନ୍ୟା ପାଣି ଘେରରେ ଥିବା ବିପନ୍ନ ମାନଙ୍କୁ ଭେଟିଛନ୍ତି । ଏହାସହ ନଦୀବନ୍ଧ ସ୍ଥିତି ପରିକ୍ଷିବା ସହ ନଦୀବନ୍ଧ ସଦୃଢ କରିବା ଦିଗରେ ପଦକ୍ଷେପ ନିଆଯିବ ବୋଲି ପ୍ରତିଶୃତି ଦେଇଛନ୍ତି ଜିଲ୍ଲାପାଳ । ବିଶେଷ କରି ଚାଷୀ ମାନଙ୍କ ଉପରେ ମଧ୍ୟ ଗୁରୁତ୍ବ ଦେଇଛନ୍ତି । ଏହାପରେ ନିଆଳି ବ୍ଲକର ବିଭିନ୍ନ ନଦୀବନ୍ଧ ପରିଦର୍ଶନ କରିଛନ୍ତି । କନ୍ଦଳ, ଦେବୀ ନଦୀରେ ଘଳିଆ ସ୍ଥାନ ଚିହ୍ନଟ ପରେ ରାଜ୍ୟ ସରକାରଙ୍କୁ ଅବଗତ କରାଯିବା ବୋଲି ଜିଲ୍ଲାପାଳ ସାମ୍ବାଦିକ ମାନଙ୍କୁ କହିଛନ୍ତି । ଜିଲ୍ଲାପାଳଙ୍କ ପରିଦର୍ଶନ ସମୟରେ କଣ୍ଟାପଡ଼ା ଜଳ ସମ୍ପଦ ଉପଖଣ୍ଡ ଅଧିକାରୀ, ତହସିଲଦାର, ବିଡ଼ିଓ, ସରପଞ୍ଚ ପ୍ରମୁଖ ଉପସ୍ଥିତ ଥିଲେ । ସେହିପରି ନିଆଳି ବ୍ଲକର ସମସ୍ତ ଅଧିକାରୀ ମାନେ ଉପସ୍ଥିତ ଥିଲେ ।
ଇଟିଭି ଭାରତ, ନିଆଳି