କଟକ: ବହୁ ଚର୍ଚ୍ଚିତ କ୍ୟାମେରାମ୍ୟାନ ମାନସ ସ୍ବାଇଁ ହତ୍ୟା ଘଟଣାରେ ଆଜି ଦ୍ବିତୀୟ ଦିନରେ ଜେରା କରୁଛି କ୍ରାଇମବ୍ରାଞ୍ଚ। ମୁଖ୍ୟ ଅଭିଯୁକ୍ତ ଶର୍ମିଷ୍ଠା ସମେତ ସଂପୃକ୍ତ ସମସ୍ତ ଅଭିଯୁକ୍ତଙ୍କୁ ଆଜି ବିଳମ୍ବରେ ଜେରା ଆରମ୍ଭ କରାଯାଇଥିବା ସୂଚନା ମିଳିଛି। ଘଟଣାର ତଦନ୍ତ ଜାରି ରହିଥବାବେଳେ ମେମୋରି ଚିପ ରହସ୍ୟର ସତ୍ୟତା ନେଇ ଅଭିଯୁକ୍ତଙ୍କୁ ସାମନା କରିବ ତଦନ୍ତକାରୀ ଟିମ।
ମାନସ ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଶର୍ମିଷ୍ଠା, ନିରଞ୍ଜନ ସେଠୀ, ଝୁନା ଭୋଇ ଓ ରଞ୍ଜନ ନାୟକଙ୍କୁ 5 ଦିନିଆ ରିମାଣ୍ଡରେ ଆଣି କ୍ରାଇମବ୍ରାଞ୍ଜ ମାରାଥନ ଜେରା ଆରମ୍ଭ କରିଛି। ଆଜି ଦ୍ବିତୀୟ ଦିନରେ କ୍ରାଇମବ୍ରାଞ୍ଜ ତମାମ ପ୍ରସଙ୍ଗ ନେଇ ଜେରା କରୁଛି। ଯେଉଁ ମେମୋରିଚିପକୁ ନେଇ ଚର୍ଚ୍ଚା ହେଉଛି, ସେଥିରେ କେତେ ସତ୍ୟତା ରହିଛି ତାହାକୁ ନେଇ କ୍ରାଇମବ୍ରାଞ୍ଚର ବରିଷ୍ଠ ଅଧିକାରୀ ମାନେ ତଦନ୍ତ ଜାରି ରଖିଛନ୍ତି।