କଟକ: ପଡିଆ କିମ୍ବା ଷ୍ଟାଡିୟମରେ କ୍ରିକେଟ ମ୍ୟାଚ ଆୟୋଜିତ ହେଉଥିବା ଆପଣ ଦେଖିଥିବେ। କିନ୍ତୁ ଏଠାରେ ଘରର ଛାତ ପରିଣତ ହୋଇଛି କ୍ରିକେଟ ଗ୍ରାଉଣ୍ଡ । ସେ ପୁଣି ଗୋଟିଏ କି ୨ ମହଲା ନୁହଁ ୪ ମହଲା ଛାତ ଉପରେ ହେଉଛି କ୍ରିକେଟ ମ୍ୟାଚ। ଏଭଳି ଏକ ନିଆରା କ୍ରିକେଟ ଗ୍ରାଉଣ୍ଡ ଦେଖିବାକୁ ମିଳିଛି କଟକ ମାତାମଠ ସ୍ଥିତ ଏକ ଜିମ ସେଣ୍ଟରର ଛାତ ଉପରେ । ତେବେ ଜିମରେ ଓ୍ବାର୍କ ଆଉଟ୍ କରିବା ପରେ ଫିଟନେସ୍ ପାଇଁ ଏଭଳି ମ୍ୟାଚର ଆୟୋଜନ କରାଯାଇଛି ।
ଏମିତି କ୍ରିକେଟ ମ୍ୟାଚ୍...ଆଖିରେ ନ ଦେଖିଲେ କରିହେବନି ବିଶ୍ବାସ
୩ଟି ଟିମକୁ ନେଇ ଏମିତି ଏକ ମ୍ୟାଚ୍ ମାତାମଠ ସ୍ଥିତ ଏକ ଜିମ୍ ସେଣ୍ଟରର ଛାତ ଉପରେ ଆୟୋଜନ ହୋଇଛି । ରାତି ସମୟରେ ହାଲୋଜିନ୍ ଲାଇଟ୍ ଲଗାଇ ପାଚେରୀ ଥିବା ଛାତ ଉପରେ ସ୍ବଳ୍ପ ସ୍ଥାନରେ କ୍ରିକେଟ ଭଳି ଏକ ଖେଳ ପ୍ରଥମ ଥର କଟକରେ ଦେଖିବାକୁ ମିଳିଛି । ଛାତ ଉପରେ ମ୍ୟାଟ୍ ପକାଇବା ସହ ବଲ୍ ଛାତ ବାହାରକୁ ନଯିବା ପାଇଁ ସମୂର୍ଣ୍ଣ ଛାତ ଉପରକୁ ନେଟରେ କଭର କରାଯାଇଛି।