କଟକ : କୋରୋନା ମହାମାରୀ ଏବେ ସାରା ଭାରତରେ ତାର ଭୟାବହତା ଦେଖାଉଛି । ଅନ୍ୟ ରାଜ୍ୟ ତୁଳନାରେ ଓଡିଶାରେ କୋରୋନା ସଂକ୍ରମଣ ସଂଖ୍ୟା ନିୟନ୍ତ୍ରଣ ରହିଛି । ଏହି ଭାଇରସ ଭିନ୍ନ ପ୍ରକାର ହେଉଥିବାରୁ ନିର୍ଦ୍ଧିଷ୍ଟ ଆକଳନ ଲଗାଇବା ଅସମ୍ଭବ । କିନ୍ତୁ ଏହାରି ଭିତରେ ଆସିଛି ଏକ ଆଶ୍ବସ୍ତିକର ଖବର । ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥଲେ ମଧ୍ୟ ଏହାର ପ୍ରଭାବ ଆଉ ପୂର୍ବ ଭଳି ନାହିଁ ବୋଲି କଟକ (ADMO)ଏଡିଏମଓ ସୂଚନା ଦେଇଛନ୍ତି ।
ଆଶ୍ବସ୍ତିକର ଖବର: ଫେବୃଆରୀ ମାସ ଶେଷ ସୁଦ୍ଧା କମିବ କୋରୋନା ସଂକ୍ରମଣ !
ସ୍ବାସ୍ଥ୍ୟ ବିଶେଷଜ୍ଞଙ୍କ କହିବା ଅନୁସାରେ, ଯେଉଁମାନେ କରୋନାରେ ଆକ୍ରାନ୍ତ ହେଉଛନ୍ତି ସେମାନଙ୍କ ନିକଟରେ କୌଣସି ଗୁରୁତର ଲକ୍ଷଣ ଦେଖାଯାଉନାହିଁ । କେବଳ ଜ୍ଵର ଆଉ ଥଣ୍ଡା ଭଳି ସାଧାରଣ ଲକ୍ଷଣ ଦେଖାଯାଉଛି ଏବଂ ଅଳ୍ପଦିନ ମଧ୍ୟରେ ସେମାନେ ସୁସ୍ଥ ହୋଇ ଘରକୁ ଫେରୁଛନ୍ତି । ଟୀକାକରଣ ଯୋଗୁଁ ଏହା ନିୟନ୍ତ୍ରଣ ହେଉଥିବା ବିଶେଷଜ୍ଞ ମତ ଦେଇଛନ୍ତି ।