କଟକ: ଲୁଟେରା ହୋଇ ଲୁଟିଲା ପୋଲିସ। ଏଭଳି ଘଟଣା ଦେଖିବାକୁ ମିଳିଛି କଟକର ନିର୍ଗୁଣ୍ଡି ଅଞ୍ଚଳରେ। ଗତ ବୁଧବାର ବିଳମ୍ବିତ ରାତିରେ କୋଲକାତାରୁ ପୁରୀ ବ୍ରହ୍ମଗିରି ଅଞ୍ଚଳକୁ ଯାଉଥିବା ତିନିଜଣ ଯୁବକଙ୍କ ଠାରୁ ଲୁଟ କରିଛନ୍ତି ତିନିଜଣ ପୋଲିସ କର୍ମଚାରୀ । ଉକ୍ତ ଘଟଣାରେ ପୋଲିସ ତିନିଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା କଟକ ଗ୍ରାମାଞ୍ଚଳ ଏସପି ରାଧାବିନୋଦ ପାଣିଗ୍ରାହୀ ସାମ୍ବାଦିକ ସମ୍ମିଳନୀରେ କହିଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ସୂଚନା ଅନୁସାରେ, ଗତ ବୁଧବାର ବିଳମ୍ବିତ ରାତିରେ ଜଣେ ବ୍ୟବସାୟୀ କୋଲକାତାରୁ ପୁରୀ ବ୍ରହ୍ମଗିରି ଫେରୁଥିଲେ । ନିର୍ଗୁଣ୍ଡି ଅଞ୍ଚଳରେ ବେଳେ ତିନି ପୋଲିସ କର୍ମଚାରୀ ଗାଡିକୁ ଅଟକାଇବା ସହ ଚେକିଂ ବାହାନାରେ ଗାଡି ଭିତରୁ ଦେଢଲକ୍ଷ ଟଙ୍କା ଲୁଟି ନେଇଥିଲେ। ଏନେଇ ବ୍ୟବସାୟୀ ଜଣକ ଟାଙ୍ଗୀ ଥାନାରେ ଅଭିଯୋଗ କରିଥିଲେ ।