'ଆସନ୍ତା ନିର୍ବାଚନରେ ବିଜେଡିକୁ ଓପାଡି ଫିଙ୍ଗି ଦେବୁ'

ସିଲଭରସିଟିରେ ସଂକଳ୍ପ ନେଲା କଂଗ୍ରେସ । ଆସନ୍ତା ନିର୍ବାଚନରେ ବିଜେଡି ହେବ ମୂଳପୋଛ । ପୁଣି ଓଡିଶା ହେବ ସୁନାର ରାଜ୍ୟ । ନା ଥିବେ ଗରିବ ନା ବେକାରୀ । ସବୁ ଦିଗରେ ଓଡିଶାକୁ ବିକାଶର ଶିଖରରେ ପହଞ୍ଚାଇବ କଂଗ୍ରେସ ଦଳ । ଏହିଭଳି ଚରମ ନିଷ୍ପତ୍ତି ନେଇଛି କଂଗ୍ରେସ ।

କଟକ: ସିଲଭରସିଟିରେ ସଂକଳ୍ପ ନେଲା କଂଗ୍ରେସ । ଆସନ୍ତା ନିର୍ବାଚନରେ ବିଜେଡି ହେବ ମୂଳପୋଛ । ପୁଣି ଓଡିଶା ହେବ ସୁନାର ରାଜ୍ୟ । ନା ଥିବେ ଗରିବ ନା ବେକାରୀ । ସବୁ ଦିଗରେ ଓଡିଶାକୁ ବିକାଶର ଶିଖରରେ ପହଞ୍ଚାଇବ କଂଗ୍ରେସ ଦଳ । ଏହିଭଳି ଚରମ ନିଷ୍ପତ୍ତି ନେଇଛି କଂଗ୍ରେସ ।

ବୁଧବାର କଟକ ବିଜୁ ପଟ୍ଟନାୟକ ଛକରେ ଅନୁଷ୍ଠିତ କଂଗ୍ରେସର ଵିଶାଳ ସଂକଳ୍ପ ସଭାରେ ଏମିତି ନିଷ୍ପତ୍ତି ନେଇଛି ରାଜ୍ୟ କଂଗ୍ରେସ । କାରଣ ରାଜ୍ୟରେ ଦୀର୍ଘ 19 ବର୍ଷ ଧରି ଅନେକ ସମସ୍ୟାର ସମ୍ମୁଖୀନ ହେଉଛନ୍ତି ସାଧାରଣ ଜନତା । କିନ୍ତୁ ଆସନ୍ତା ନିର୍ବାଚନରେ ଏହି ସରକାରକୁ ଓପାଡି ଫିଙ୍ଗିଦେବୁ ବୋଲି କହିଛନ୍ତି ରାଜ୍ୟ କଂଗ୍ରେସ ପ୍ରଭାରୀ ଜିତେନ୍ଦ୍ର ସିଂ ।

ଅନ୍ୟପଟେ କେନ୍ଦ୍ର ମଧ୍ୟ ରାଫେଲ ଦୁର୍ନୀତିରେ ସଂଶ୍ଲିଷ୍ଟ ରହିଛି । ଯାହାକୁ ମଧ୍ୟ ଘୋର ନିନ୍ଦା କରୁଛି କଂଗ୍ରେସ । ସମାନ ଢଙ୍ଗରେ ରାଜ୍ୟ ସରକାର ଓ କେନ୍ଦ୍ର ସରକାର ଓଡିଶା ପ୍ରତି ବୈମାତୃକ ମନୋଭାଵ ପୋଷଣ କରୁଛନ୍ତି ବୋଲି କହିଛନ୍ତି ସେ ।

କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ