କଟକ: ଓଡିଶା କ୍ରୀଡାପ୍ରେମୀଙ୍କ ପାଇଁ ଖୁସି ଖବର । ହକି ବିଶ୍ୱକପ ପରେ ଓଡିଶାରେ ଆୟୋଜନ ହେବାକୁ ଯାଉଛି ଆଉ ଏକ ବଡ ଟୁର୍ଣ୍ଣାମେଣ୍ଟ । କଟକର ଜବାହାରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ରାଜ୍ୟଗୋଷ୍ଠୀ ଟେବୁଲ ଟେନିସ ଚମ୍ପିଆନସିପ ଖେଳାଯିବ ।
ଭିଡିଓ ସୌଜନ୍ୟ: ସମ୍ବାଦଦାତା କଟକ
ଏହା ଜୁଲାଇ 17ରୁ ଆରମ୍ଭ ହୋଇ 22 ତାରିଖ ପର୍ଯ୍ୟନ୍ତ ଚାଲିବ । ଟୁର୍ଣ୍ଣାମେଣ୍ଟରେ ରାଡ୍ୟଗୋଷ୍ଠୀ କ୍ରୀଡା ଖେଳୁଥିବା ସମସ୍ତ ସଦସ୍ୟ 20ଟି ଦେଶ ଭାଗନେବେ । ଵର୍ତ୍ତମାନ ସୁଦ୍ଧା ଇଂଲଣ୍ଡ, ଅଷ୍ଟ୍ରେଲିଆ, ନ୍ୟୁଜିଲାଣ୍ଡ ଭଳି 14 ଟି ପ୍ରମୁଖ ଦେଶ ଖେଳିବା ପାଇଁ ସ୍ୱୀକୃତି ପ୍ରଦାନ କରିସାରିଛନ୍ତି ।
ପୂର୍ବରୁ ଏହି ଷ୍ଟାଡିଅମରେ ଆନ୍ତଃରାଜ୍ୟ ସିନିୟର ଟେବୁଲ ଟେନିସ ପ୍ରତିଯୋଗିତା ଦେଖିସାରିଛନ୍ତି ଫ୍ୟାନ୍ସ । ଯାହାକୁ ବେଶ ଭଲ ଭାବେ ଆୟୋଜନ କରିଥିଲା ରାଜ୍ୟ ଟେବୁଲ ଟେନିସ ଆସୋସିଏସନ । କିନ୍ତୁ ବର୍ତ୍ତମାନ ମହାମୁକାବିଲା ଦେଖିବାର ସମୟ ଆସିଛି । ଯାହାକୁ ନେଇ ଉତ୍ସାହିତ ସମଗ୍ର ଓଡିଶା ଓ କଟକ ସହରବାସୀ ।