କଟକ : କମିଶନରେଟ ପୋଲିସ ହାତରେ ଲୁଟେରା ଗ୍ୟାଙ୍ଗ। ଜଗତପୁର ଥାନା ପୋଲିସ ୪ ଲୁଟେରାଙ୍କୁ ଗିରଫ କରିବା ସହ ସେମାନଙ୍କ ଠାରୁ ୧୫ ଭରିରୁ ଅଧିକ ସୁନା ଜବତ କରିଛି। ଯାହାର ଆନୁମାନିକ ମୂଲ୍ୟ ୫ ଲକ୍ଷ ୮୫ ହଜାରରୁ ଅଧିକ ହେବ ବୋଲି ଜଣାପଡ଼ିଛି।
ସୂଚନା ଅନୁଯାୟୀ ଗତ ୧୩ ତାରିଖରେ ସୋମ୍ୟ ରଞ୍ଜନ ନାୟକ ନାମକ ଜଣେ ଵ୍ୟକ୍ତି ତାଙ୍କ ବନ୍ଧୁଙ୍କ ସହ ଜଗତପୁର ଅଞ୍ଚଳର ଆଇବି ରୋଡ଼ରେ ଯାଉଥିଲେ । ଏହି ସମୟରେ ଏକ ନମ୍ବର ବିହୀନ ଗାଡିରେ ଜଣେ ଲୁଟେରା ଆକ୍ରମଣ କରି ତଳେ ପକାଇ ଦେଇଥିଲା। ସୋମ୍ୟ ଗାଡ଼ିରୁ ତଳେ ପଡ଼ି ଆହତ ହେବା ପରେ ଲୁଟେରା ଜଣକ ତାଙ୍କ ବେକରୁ ସୁନା ଚେନ ଛଡ଼ାଇ ନେଇ ଫେରାର ହୋଇଯାଇଥିଲା।
ଭିଡିଓ ସୌଜନ୍ୟ : ସମ୍ବାଦଦାତା, କଟକ
ଏନେଇ ସୋମ୍ୟ ଜଗତପୁର ଥାନାରେ ମାମଲା ରୁଜୁ କରିଥିଲେ। ପୋଲିସ ଘଟଣାର ତଦନ୍ତ କରି ଅଭିଯୁକ୍ତ ଜଣକୁ ଧରିଥିଲା। ଅଧିକ ପଚରା ଉଚରା ପରେ ଏହି ଲୁଟେରା ଗ୍ୟାଙ୍ଗ ପାଖରେ ପୋଲିସ ପହଞ୍ଚି ପାରିଥିଲା ।