କଟକ: କାର ଛାଡି ଦୁଇ ଚକିଆ ଯାନରେ ବୁଲନ୍ତୁ ସିଏମସି କର୍ମଚାରୀ । ଗଳିକନ୍ଦି ବୁଲି ସ୍ଥିତିକୁ ଅନୁଧ୍ୟାନ କଲେ ହିଁ ସମସ୍ୟାର ସମାଧାନ ହୋଇ ପାରିବ ବୋଲି କହିଛନ୍ତି ସିଏମସି ମେୟର ସୁବାଷ ସିଂ । ଆଜି(ଶୁକ୍ରବାର) କଟକ ମହାନଗର ନିଗମର ଦ୍ଵିତୀୟ କାଉନସିଲ ବୈଠକରେ ଏମିତି କିଛି କଡା ତାଗିଦା କରିଛନ୍ତି ମେୟର । ସିଏମସି କର୍ମଚାରୀ ଓ ଯାଇକା କର୍ତ୍ତୃପକ୍ଷଙ୍କ ଉପରେ ବର୍ଷିଛନ୍ତି ମେୟର । ବିଶେଷ କରି ଜେଇ ମାନଙ୍କୁ ତାଗିଦ କରିବା ସହ, ସଠିକ ଢଙ୍ଗରେ କାର୍ଯ୍ୟ ନକଲେ ଦୃଢ କାର୍ଯ୍ୟାନୁଷ୍ଠାନ ହେବ ବୋଲି ଚେତାବନୀ ଦେଇଛନ୍ତି ।
କାର ଛାଡି ଦୁଇ ଚକିଆ ଯାନରେ ବୁଲିବାକୁ ସିଏମସି ଅଫିସରଙ୍କୁ ତାଗିଦ କଲେ ମେୟର ଭୁବନେଶ୍ବର ତଥା କଟକ ବାହାରୁ ସିଏମସିକୁ ଯିବା ଆସିବା କରି ଚାକିରୀ କରୁଥିବା କର୍ମଚାରୀ ସମୟରେ ଅଫିସ ଆସିବାକୁ ତାଗିଦ କରିଛନ୍ତି ମେୟର । ଆଜି ନାଳରୁ ପଙ୍କ ଉଦ୍ଧାର ବିଷୟକୁ ନେଇ ମୁଖ୍ୟତଃ ବୈଠକରେ ଆଲୋଚନା କରାଯାଇଥିଲା । ଖାଲ-ଖମା ରାସ୍ତା-ଘାଟ, ଦୁର୍ବଳ ଡ୍ରେନେଜ, ଜଳବନ୍ଦୀ ସମସ୍ୟା ଆଦି ଅନ୍ୟାନ୍ୟ ପ୍ରସଙ୍ଗ ମଧ୍ୟ ବୈଠକରେ ଉଠାଇଥିଲେ ଉଭୟ ଶାସକ ଏବଂ ବିରୋଧୀ ଦଳର କର୍ପୋରେଟର । ମୌସୁମୀ ପୂର୍ବରୁ ସହରରେ ଡ୍ରେନ ଗୁଡିକରୁ ପଙ୍କ ଉଦ୍ଧାର କାର୍ଯ୍ୟ ଶେଷ କରିବାକୁ ନିର୍ଦ୍ଦେଶ ଦିଆଯାଇଛି । କୌଣସି କାର୍ଯ୍ୟ ସଠିକ ଢଙ୍ଗରେ ହେଉନଥିବା ଅଭିଯୋଗ ଆଣିଛନ୍ତି ବିରୋଧୀ କର୍ପୋରେଟର ।
କଟକରୁ ନାରାୟଣ ସାହୁ, ଇଟିଭି ଭାରତ
