କଟକ: ଜଗତସିଂହପୁର ଜିଲ୍ଲାର ଢିଙ୍କିଆରେ ଲୋକଙ୍କ ଉପରେ ପୋଲିସ ବର୍ବରତା ଓ ଲାଠି ଚାଳନାକୁ ବିରୋଧ କରି ଆରଡିସିଙ୍କୁ ଭେଟିଲା ମହାନଗର ନାଗରିକ ମଞ୍ଚ । ଢିଙ୍କିଆ ଅଞ୍ଚଳରେ ପୋଲିସ୍ ଆତଙ୍କରାଜ ବନ୍ଦ କରିବା ସହ ସେ ଅଞ୍ଚଳରୁ ପୋଲିସ୍ ପ୍ରତ୍ୟାହାର କରିବାକୁ ଦାବି କରଛି ମଞ୍ଚ । ଆରଡିସି(RDC)ଙ୍କ ଜରିଆରେ ରାଜ୍ୟପାଳଙ୍କ ନିକଟକୁ ଦାବିପତ୍ର ମଧ୍ୟ ପଠାଇଛି ମଞ୍ଚ ।
JSW Project: ଢ଼ିଙ୍କିଆରେ ପୋଲିସ ବର୍ବରତା ବିରୋଧରେ କାର୍ଯ୍ୟାନୁଷ୍ଠାନ ଦାବି ଏହାମଧ୍ୟ ପଢନ୍ତୁ: JSW Project: ମହିଳା ସ୍ବେଚ୍ଛାସେବୀଙ୍କୁ ସପକ୍ଷବାଦୀଙ୍କ ଅସଦାଚରଣ ଓ ସାମ୍ବାଦିକଙ୍କୁ ମାଡ଼ ଅଭିଯୋଗ
ଏଥିସହ ଗିରଫ ଲୋକଙ୍କୁ ବିନା ସର୍ତ୍ତରେ ଖଲାସ କରିବା, ସେମାନଙ୍କ ଉପରେ ରୁଜୁ ହୋଇଥିବା ମିଥ୍ୟା ମାମଲା ପ୍ରତ୍ୟାହାର କରିବା ଓ ସେଠାରେ କାରଖାନା ପ୍ରତିଷ୍ଠା ଉଦ୍ୟମ ବନ୍ଦ କରିବା ପ୍ରମୁଖ ଦାବି ମହାନଗର ନାଗରିକ ମଞ୍ଚ ପକ୍ଷରୁ କରାଯାଇଛି । ଯଦି ଆଗାମୀ ଦିନରେ ଏହି ଦିଗରେ ସୁଧାର ନ ଆସେ ତେବେ ସବୁ ଜନତା ଏକ ହୋଇ ସରକାରଙ୍କ ବିରୋଧରେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛି ମଞ୍ଚ ।
କଟକରୁ ପ୍ରଭୁ କଲ୍ୟାଣପାଲ୍, ଇଟିଭି ଭାରତ
