କୋଭିଡ ପରିଚାଳନାରେ ଅବ୍ୟବସ୍ଥାକୁ ନେଇ ହାଇକୋର୍ଟରେ ମାମଲା

ରାଜ୍ୟରେ କୋଭିଡ ପରିଚାଳନା ଅବ୍ୟବସ୍ଥାକୁ ନେଇ ହାଇକୋର୍ଟରେ ମାମଲା ଦାଏର ହୋଇଛି । ଅଧିକ ପଢନ୍ତୁ...

କଟକ:ରାଜ୍ୟରେ କୋଉିଡ ହସ୍ପିଟାଲରେ ଅବ୍ୟବସ୍ଥା, ରୋଗୀଙ୍କୁ ଅବହେଳା ଏବଂ ଶ୍ମଶାନରେ ମୃତଦେହ ଉପରେ ମୃତଦେହ ରଖି ଦାହ କରିବା ପ୍ରସଙ୍ଗ ହାଇକୋର୍ଟରେ ଜନସ୍ବାର୍ଥ ମାମଲା ଦାଏର ହୋଇଛି । ଏହି ମାମଲା ସାମାଜିକ କର୍ମୀ କାଳୀପଦ ମିଶ୍ର ଦାଏର କରିଥିବା ଜଣାପଡିଛି ।

ବାରିପଦା ହସ୍ପିଟାଲରେ ରୋଗୀ ତଳେ ଗଡିବା, ଶୌଚାଳୟ ପାଖରେ ଶୋଇବା ଏବଂ ବଲାଙ୍ଗୀରର ଏକ ଶ୍ମଶାନରେ ଗୋଟିଏ ଜୁଇରେ ଏକାଥରେ ମୃତଦେହ ଉପରେ ମୃତଦେହ ରଖି 10 ଜଣଙ୍କୁ ଦାହ କରିବା ଘଟଣାରେ ହାଇକୋର୍ଟରେ ମାମଲା ଦାଏର ହୋଇଛି । ତେବେ ହାଇକୋର୍ଟଙ୍କ ତତ୍ତ୍ବାବଧାନରେ ତଦନ୍ତ କରିବା, ହସ୍ପିଟାଲ୍ ଏବଂ ଦୋଷୀ ଅଧିକାରୀମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା, କୋଭିଡ ହସ୍ପିଟାଲରେ ସିସିଟିଭି ଲଗାଇବାକୁ ଅପିଲ କରାଯାଇଛି ।

ରୋଗୀଙ୍କ ଚିକିତ୍ସା ପାଇଁ ସରକାରଙ୍କ ନିର୍ଦ୍ଦେଶାବଳୀକୁ ସାରା ରାଜ୍ୟରେ ସଠିକ ଭାବରେ କାର୍ଯ୍ୟକାରୀ ପାଇଁ ନିର୍ଦ୍ଦେଶ ଦେବାକୁ ପ୍ରାର୍ଥନା କରାଯାଇଛି। ମାମଲାରେ ମୁଖ୍ୟ ଶାସନ ସଚିବ, ସ୍ବାସ୍ଥ୍ୟ ସଚିବ ଏବଂ ମୟୂରଭଞ୍ଜ ଜିଲ୍ଲାପାଳ, ବଲାଙ୍ଗୀର ଜିଲ୍ଲାପାଳ ପକ୍ଷଭୁକ୍ତ ହୋଇଛନ୍ତି । ମାମଲାକୁ ଆଇନଜୀବୀ ବିଭୂତି ଭୂଷଣ ଚୌଧୁରୀ ପରିଚାଳନା କରୁଛନ୍ତି।

କଟକରୁ ନାରାୟଣ ସାହୁ, ଇଟିଭି ଭାରତ