ନିଆଳି: ଖୋର୍ଦ୍ଧା-ପୁରୀ ମୁଖ୍ୟରାସ୍ତାରେ କେନାଲକୁ କାର୍ ଖସିପଡିବା ଘଟଣାର ଜଣେ ବକ୍ତିଙ୍କ ମୃତଦେହ ଉଦ୍ଧାର ହୋଇଛି । ଗତ 24 ଘଣ୍ଟା ଧରି ସର୍ଚ୍ଚ ଅପରେସନ କରାଯିବା ପରେ ଆଜି ଜଣଙ୍କର ମୃତଦେହ ଉଦ୍ଧାର ହୋଇଛି । ବର୍ତ୍ତମାନ ସୁଦ୍ଧା ଅନ୍ୟଜଣେ ମଧ୍ୟ ନିଖୋଜ ଅଛନ୍ତି ।
ସୂଚନା ଅନୁଯାୟୀ, ବୁଧବାର ବିଳମ୍ବିତ ରାତିରେ ଖୋର୍ଦ୍ଧା-ପୁରୀ ମୁଖ୍ୟରାସ୍ତା ନିକଟ କେନାଲକୁ ଏକ କାର୍ ଖସି ପଡିଥିଲା । ସ୍ଥାନୀୟ ଲୋକେ ଏନେଇ ଉଦ୍ଧାରାରୀ ଟିମକୁ ଖବର ଦେବାପରେ ଗୁରୁବାର ସକାଳେ ଦୀର୍ଘ 2 ଘଣ୍ଟା ପରେ କ୍ରେନ ଯୋଗେ କାରକୁ ଉଦ୍ଧାର କରାଯାଇଥିଲା । ମାତ୍ର ସେଥିରେ ଥିବା 2 ଜଣ ଯାତ୍ରୀଙ୍କ ପତ୍ତା ମିଳିନଥିଲା । ଗୁରୁବାର ଦିନ ତମାମ ଉଭୟଙ୍କୁ ଖୋଜାଖୋଜି କରିବା ପରେ ମଧ୍ୟ ପତ୍ତା ମିଳିନଥିଲା ।