କଟକ: ସୂର୍ଯ୍ୟ ପରାଗରେ ଚିକେନ ବିରିୟାନୀ ଖାଇବାକୁ ନେଇ ଟାର୍ଗେଟରେ ହେତୁବାଦୀ । ଏହାକୁ ନେଇ ବିଭିନ୍ନ ମହଲରେ ସମାଲୋଚନା କରାଯାଉଛି । ଏହାସହ ହିନ୍ଦୁ ଓ ବ୍ରାହ୍ମଣ ସମାଜକୁ ଅପମାନ ଜନକ ମନ୍ତବ୍ୟ ଦେବା ମହଙ୍ଗା ପଡ଼ିଛି । ଏନେଇ ସାରା ରାଜ୍ୟରେ ହେତୁବାଦୀଙ୍କ ବିରୋଧରେ ତୀବ୍ର ନିନ୍ଦା ପ୍ରକାଶ ପାଇଥିବାବେଳେ ଆଜି କଟକ ଡିସିପିଙ୍କୁ ଦୈବଜ୍ଞ ବ୍ରାହ୍ମଣ ସମାଜ ପକ୍ଷରୁ ଏତଲା ଦିଆଯାଇଛି ।
ହେତୁବାଦୀଙ୍କ ବିରୋଧରେ ପୁଣି ମାମଲା, କଟକ ଡିସିପିଙ୍କୁ ଭେଟିଲେ ଦୈବଜ୍ଞ ବ୍ରାହ୍ମଣ ସମାଜ
ଗତ ଅକ୍ଟୋବର ୨୫ ତାରିଖରେ (ଦୀପାବଳୀ ଅମାବାସ୍ୟା) ସୂର୍ଯ୍ୟ ପରାଗ ସମୟରେ ହେତୁବାଦୀ ସଂଗଠନ ତରଫରୁ ସର୍ବସାଧାରଣରେ ଚିକେନ ବିରିୟାନୀ ଖାଇବା ଓ ବାଣ୍ଟିବା ଭଳି କାର୍ଯ୍ୟକ୍ରମ କରାଯାଇଥିଲା । ଏଥିରେ ହିନ୍ଦୁ ଧର୍ମ ଏବଂ ବ୍ରାହ୍ମଣମାନଙ୍କ ବିରୋଧରେ ଅରୁଚିକର ମନ୍ତବ୍ୟ ଦେବା ଅଭିଯୋଗ କରି ହେତୁବାଦୀ ସଙ୍ଗଠନ ବିରୋଧରେ ରାଜ୍ୟର ବିଭିନ୍ନ ଥାନାରେ ଏତଲା ହୋଇଛି । ଏହି ପରିପ୍ରେକ୍ଷୀରେ ଆଜି (ଶନିବାର) କଟକ ଡିସିପିଙ୍କୁ ଦୈବଜ୍ଞ ବ୍ରାହ୍ମଣ ସମାଜ ପକ୍ଷରୁ ହେତୁବାଦୀଙ୍କ ବିରୋଧରେ ଏତଲା ଦିଆଯାଇଛି ।