ନିଆଳି: କଳାହାଣ୍ଡି ଶିକ୍ଷୟତ୍ରୀ ମମିତା ମେହେର ମୃତ୍ୟୁ ମାମଲା । ଘଟଣାରେ ସିବିଆଇ ତଦନ୍ତ ଦାବି କରି କଟକ ଜିଲ୍ଲାର ନିଆଳି ଥାନା ଘେରାଉ କରିବା ସହିତ ବିକ୍ଷୋଭ ପ୍ରଦର୍ଶନ କରିଛି ବିଜେପି । ଏହାସହିତ ମମିତାଙ୍କ ପରିବାରକୁ ନ୍ୟାୟ ଦେବା ପାଇଁ ମଧ୍ୟ ଦାବି ହୋଇଛି ।
ଦିନକୁ ଦିନ ମମିତା ମୃତ୍ୟୁ ଘଟଣାକୁ ରାଜନୀତି ସରଗରମ ହେବାରେ ଲାଗିଛି । ବିଜେପି ଓ କଂଗ୍ରେସ ଦଳର ଟାର୍ଗେଟରେ ବିଜେଡି ଦଳର ଟାଣୁଆ ନେତା ମନ୍ତ୍ରୀ ଦିବ୍ୟଶଙ୍କର ମିଶ୍ର । ହତ୍ୟାକାଣ୍ତରେ ମନ୍ତ୍ରୀଙ୍କ ସମ୍ପୃକ୍ତି ନେଇ ଦୁଇ ଦଳ ଏବେ ରାଜ୍ୟ ବିଜେଡ଼ି ଦଳକୁ ଲହୁ ଲୁହାଣ କରି ସାରିଲେଣି । ବିଜେପି ସବୁ ପ୍ରସଙ୍ଗକୁ ଦୂରେଇ ରହି ମମିତାଙ୍କୁ ନ୍ୟାୟ ଦେବା ଓ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ଗିରଫ କରିବା ଦାବିରେ କଟକ ଜିଲ୍ଲା ଭାରତୀୟ ଜନତା ପାର୍ଟି ତରଫରୁ ଥାନା ଘେରାଉ କରାଯିବା ସହ ବିରୋଧ ପ୍ରଦର୍ଶନ କରାଯାଇଛି ।
ମମିତା ମେହେର ହତ୍ୟାକାଣ୍ଡ: ନିଆଳି ଥାନା ଘେରାଉ କଲା ବିଜେପି କର୍ମୀ