କଟକ: ବହୁ ଚର୍ଚ୍ଚିତ ଅର୍ଚ୍ଚନା ନାଗ ମାମଲାରେ ଖୋଳତାଡ କରୁଛି ପ୍ରବର୍ତ୍ତନ ନିର୍ଦ୍ଦେଶାଳୟ(Enforcement Directorate) । ଖୁବଶୀଘ୍ର ଖୋଲିବ ଅର୍ଚ୍ଚନା କଳା ସାମ୍ରାଜ୍ୟ ଓ ଅର୍ଥ କାରବାରର ଗୁମର । ଜଣଙ୍କ ପରେ ଜଣଙ୍କୁ ସମନ କରି ତଥ୍ୟ ହାସଲ କରୁଛି ଇଡି । ତେବେ ଏହି ମାମଲାରେ ଇଡି ତଦନ୍ତକୁ ନେଇ ପତିକ୍ରିୟା ରଖିଛନ୍ତି ବରିଷ୍ଠ ବିଜେପି ନେତା ବିଜୟ ମହାପାତ୍ର । ଏହି ମାମଲାରେ ଇଡିର କାର୍ଯ୍ୟ ସନ୍ତୋଷଜନକ ବୋଲି ସେ ପ୍ରକାଶ କରିଛନ୍ତି ।
ଲେଡି ବ୍ଲାକ୍ ମେଲର ଅର୍ଚ୍ଚନା ନାଗ ମାମଲା ପ୍ରବର୍ତ୍ତନ ନିର୍ଦ୍ଦେଶାଳୟ(Enforcement Directorate) ହାତକୁ ନେବା ପରେ ତଦନ୍ତକୁ ଜୋରଦାର କରିଛି । ଏହାରି ମଧ୍ୟରେ ଏହି ମାମଲା ଉପରେ ପ୍ରତିକ୍ରିୟା ରଖିଛନ୍ତି ବରିଷ୍ଠ ବିଜେପି ନେତା ବିଜୟ ମହାପାତ୍ର । ସେ କହିଛନ୍ତି, "ଏପର୍ଯ୍ୟନ୍ତ ଇଡିର ତଦନ୍ତ ଠିକ ଚାଲିଛି । ଆଗକୁ ତଦନ୍ତ ଠିକ ହେବ ବୋଲି ଆଶା ଅଛି । ରାଜ୍ୟ ପୋଲିସ ଏହି ଘଟଣାରେ ସଠିକ ତଦନ୍ତ କରିନଥିଲା ବୋଲି ଏବେ ସ୍ପଷ୍ଟ ହେଉଛି । ଯେତେ କଳାଟଙ୍କା ରଖିଛନ୍ତି ସବୁ ଇଡି ଫାସରେ ଛନ୍ଦି ହେବେ । ଦେଖନ୍ତୁ ଆଗକୁ କଣ ହେଉଛି ।"