ରାଜନୈତିକ ରୂପ ନେଲା କର୍ପୋରେଟରଙ୍କ ଧାରଣା, ଆନ୍ଦୋଳନକୁ ସମର୍ଥନ କଲେ ଉଭୟ ଦଳର ବରିଷ୍ଠ ନେତାରାଜନୈତିକ ରୂପ ନେଲା କର୍ପୋରେଟରଙ୍କ ଧାରଣା, ଆନ୍ଦୋଳନକୁ ସମର୍ଥନ କଲେ ଉଭୟ ଦଳର ବରିଷ୍ଠ ନେତା କଟକ: ଥମିବାର ନାଁ ଧରୁନାହିଁ କର୍ପୋରେଟରଙ୍କ ଆନ୍ଦୋଳନ । ଘଟଣା ଏବେ ରାଜନୈତିକ ମୋଡ଼ ନେଇଛି । ଏହି ଆନ୍ଦୋଳନକୁ ସମର୍ଥନ ଜଣାଇ କଂଗ୍ରେସ ବିଧାୟକ ମହମ୍ମଦ ମୋକିମ ଓ ବିଜେପି ରାଜ୍ୟ ସଭାପତି ମନମୋହନ ସାମଲ, ଘଟଣାସ୍ଥଳରେ ପହଞ୍ଚିଛନ୍ତି । ବିଶେଷକରି ଶାସକ ଦଳକୁ କଡ଼ା ବିରୋଧ କରିବା ସହ, ଆନ୍ଦୋଳନ ଚେତାବନୀ ଦେଇଛନ୍ତି ଉଭୟ ନେତା । ପୁରା ଘଟଣାରେ ମୁହଁ ଖୋଲିଛନ୍ତି ମେୟର ସୁବାସ ସିଂ ।
ଅହୋରାତ୍ର ଧାରଣାରେ ବିରୋଧୀ କରର୍ପୋରେଟର । CMC କାର୍ଯ୍ୟାଳୟ ଆଗରେ ଧାରଣାରେ ବସିଛନ୍ତି ଉଭୟ କଂଗ୍ରେସ ଓ ବିଜେପି କର୍ପୋରେଟର । ଗତକାଲି(ସୋମବାର) CMC କାଉନସିଲ ବୈଠକରେ ବିରୋଧୀଙ୍କ ପ୍ରଶ୍ନର ଉତ୍ତର ନଦେଇ ଅଧିକାରୀମାନେ ଅଧାରୁ ଉଠିଯିବାକୁ ନେଇ ପ୍ରଶ୍ନ ଉଠାଇଛନ୍ତି ବିରୋଧୀ କର୍ପୋରେଟର ମାନେ । ଯେପର୍ଯ୍ୟନ୍ତ CMC କର୍ତ୍ତୃପକ୍ଷ କ୍ଷମା ନମାଗିଛନ୍ତି ଓ ବିରୋଧୀଙ୍କ ପ୍ରଶ୍ନର ଉତ୍ତର ନଦେଇଛନ୍ତି ସେପର୍ଯ୍ୟନ୍ତ ଏହି ଧାରଣା ଜାରି ରହିବ ବୋଲି ଧାରଣାରତ କର୍ପୋରେଟରମାନେ ଚେତାବନୀ ଦେଇଛନ୍ତି ।
ଏନେଇ ବିଧାୟକ ମୋକିମ କହିଛନ୍ତି ରାଜନୀତି କଣ ଆଗାମୀ ଦିନରେ , ମେୟରଙ୍କୁ ଦେଖାଇ ଦିଆଯିବ । ସେହିପରି ମନମୋହନ ସାମଲ କହିଛନ୍ତି ଏନେଇ ଆସନ୍ତା ୨୦ ତାରିଖରେ CMC କାର୍ଯ୍ୟାଳୟ ଆଗରେ ପ୍ରତିବାଦ କରାଯିବ ।
ଅଧିକ ପଢନ୍ତୁ- ଜନସାଧାରଣଙ୍କ ଟିକସ ଟଙ୍କା ହରିଲୁଟ ଅଭିଯୋଗ, CMC କର୍ପୋରେଟରଙ୍କ ଅହରାତ୍ର ଧାରଣା
ହାଡିଆ ପଠାର ବହୂମୂଲ୍ୟ ସରକାରୀ ଜମିକୁ ଚଞ୍ଚକତା କରି କିପରି ବିକ୍ରି କରାଗଲା ? CMCର ପୂର୍ବତନ କମିଶନର ଅନନ୍ୟା ଦାସଙ୍କ ଦସ୍ତଖତ ଓ ସିଲ୍ର ଜାଲିଆତି କେମିତି ହେଲା ? ଏହାକୁ ନେଇ CMC କାଉଁସିଲ ବୈଠକରେ ହଟ୍ଟଗୋଳ ସୃଷ୍ଟି ହୋଇଛି । ଏହି ପ୍ରସଙ୍ଗରେ ମେୟର ଓ କମିସଶନରଙ୍କ ଜବାବ ଦାବି କରି ହୋହାଲ୍ଲା କରିଥିଲେ ବିରୋଧୀ କର୍ପୋରେଟର । ଜମି ମାଫିଆ ମାନେ ଏକ ବିରାଟ ଷଡଯନ୍ତ୍ର କରି ହାଡିଆ ପଠାର ସରକାରୀ ଜମିକୁ ହାତେଇବା ପାଇଁ ଉଦ୍ୟମ କରିଛନ୍ତି । ହଡ଼ିଆ ପଠାର ସରକାରୀ ଜମିକୁ ଲିଜରେ ନେଇ ପରେ ଏହି ଜମିକୁ ଏକ ନିର୍ଦ୍ଧିଷ୍ଟ ବ୍ୟାଙ୍କରେ ବନ୍ଧକ ରଖି ୫ କୋଟି ଟଙ୍କା ଋଣ କରିଛନ୍ତି । CMC ପୂର୍ବତନ କମିଶନର ଅନନ୍ୟା ଦାସଙ୍କ ଦସ୍ତଖତ ଓ ସିଲର ଜାଲିଆତି କାରି ଏହା କରାଯାଇଥିଲେ ମଧ୍ୟ ଏଥିରେ CMCର କିଛି ଅସାଧୁ କର୍ମଚାରୀ ଓ ପ୍ରଭାବଶାଳୀ ଲୋକଙ୍କ ହାତ ଥିବା ଅଭିଯୋଗ କରିଛନ୍ତି ବିରୋଧୀ ଦଳ କର୍ପୋରେଟର । ଏହା ସହ କ୍ରାଇମବ୍ରାଞ୍ଚ ତଦନ୍ତ ନୁହେଁ ବରଂ ଏସଆଇଟି କିମ୍ବା ସିବିଆଇ ଦ୍ବାରା ଏହାର ତଦନ୍ତ କରିବାକୁ ଦାବି କରିଛନ୍ତି ।
ଘଟଣାର ତଦନ୍ତ କରୁଥିବା କ୍ରାଇମବ୍ରାଞ୍ଚ ଟିମ CMC କାର୍ଯ୍ୟାଳୟରୁ ଅନନ୍ୟା ଦାସଙ୍କ ମୂଳ ଦସ୍ତଖତ ଓ ସିଲ୍ର ନକଲ ସଂଗ୍ରହ କରି ନେଇଛି । ଜାଲ ଦସ୍ତଖତ ଓ ସିଲ ସହିତ ସେଗୁଡ଼ିକୁ ମେଳ କରିବା ପାଇଁ ପରୀକ୍ଷାଗାରକୁ ପଠାଯାଇଛି । ସେପଟେ ଏହି ପ୍ରସଙ୍ଗରେ ନିଜ ମତ ରଖିଛନ୍ତି ସିଏମସି ମେୟର । ହାଡ଼ିଆ ପଠାରେ ଥିବା ଜମି ରାଜ୍ୟ ସରକାରଙ୍କର । ସେହି ଜମି ବାବଦ ସମସ୍ତ ପ୍ରକାର ନିଷ୍ପତି ରାଜ୍ୟ ସରକାରଙ୍କ ବ୍ୟତିତ ଅନ୍ୟ କେହି ନେଇପାରିବେ ନାହିଁ । କିନ୍ତୁ କିଛି ଅସାଧୁ ଅନନ୍ୟା ଦାସଙ୍କ ଦସ୍ତଖତ ଓ ସିଲକୁ ଜାଲ କରି ଏହି କାଣ୍ଡ ଭିଆଇଛନ୍ତି କିନ୍ତୁ ଏଥିରେ ସିଏମସିର କୌଣସି ଭୂମିକା ନ ଥିବା ମେୟର କହିଛନ୍ତି ।
କଟକ ହାଡିଆ ପଠାର ଶହେ ଏକର ସରକାରୀ ଜମିକୁ ଜାଲିଆତି ଘଟଣାର ତଦନ୍ତ ଜାରି ରହିଥିବା ବେଳେ ଏହି ପ୍ରସଙ୍ଗକୁ ନେଇ ବିରୋଧୀ ଦଳର କର୍ପୋରେଟରମାନେ ଆଜି ମେୟରକୁ ଘେରିଛନ୍ତି । ହାଡିଆ ପଠାର ବହୁମୂଲ୍ୟ ଜମିକୁ କିପରି ଚଞ୍ଚକତା କରି ବିକ୍ରି କରାଗଲା ଏବଂ ସିଏମସି ପୂର୍ବତନ କମିଶନର ଅନନ୍ୟା ଦାସଙ୍କ ଦସ୍ତଖତ ଓ ସିଲ ଜାଲିଆତି କରି ଏହି ଚଞ୍ଚକତା କରାଗଲା ଏହାର ଜବାବ ମାଗିଛନ୍ତି ବିରୋଧୀ । CMCର କାଉଁସିଲ ବୈଠକ ଅବସରରେ ଅନ୍ୟ ପ୍ରସଙ୍ଗ ସହ ହାଡିଆପଠା ଜମି ଜାଲିଆତି କଥା ଉଠାଇ ଗୃହରେ ଯୋରଦାର ହଟ୍ଟଗୋଳ ହୋଇଥିଲା । ଏହି ଜମି କେଳେଙ୍କାରୀରେ ବହୁ ପ୍ରଭାବଶାଳୀ ବ୍ୟକ୍ତି ସମ୍ପୃକ୍ତ ଥିବା ଅଭିଯୋଗ କରି ଏହାର ଏସଆଇଟି କିମ୍ବା ସିବିଆଇ ତଦନ୍ତ ଆବଶ୍ୟକ ବୋଲି କହିଛନ୍ତି ବିରୋଧୀ କର୍ପୋରେଟର ।
ଇଟିଭି ଭାରତ, କଟକ
