ଶିଶୁ ଶ୍ରମିକଙ୍କ ସଂଖ୍ୟା କମାଇବାକୁ ଗଡିଲା ସଚେତନତା ରଥ

କଟକ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରୁ ଆଜି (ଶୁକ୍ରବାର) ଗଡ଼ିବା ଆରମ୍ଭ କରିଛି ‘‘ଶିଶୁ ଶ୍ରମିକ ନିରାକରଣ ସଚେତନତା ରଥ ।’’

କଟକ: କଟକ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରୁ ଆଜି(ଶୁକ୍ରବାର) ଗଡ଼ିବା ଆରମ୍ଭ କରିଛି ‘‘ଶିଶୁ ଶ୍ରମିକ ନିରାକରଣ ସଚେତନତା ରଥ ।’’ କଟକ ଜିଲ୍ଲାପାଳ ଭବାନୀ ଶଙ୍କର ଚୟନି ଏହି କାର୍ଯ୍ୟକ୍ରମକୁ ପତାକା ଦେଖାଇ ଶୁଭାରମ୍ଭ କରିଥିଲେ ।

୧୪ ବର୍ଷରୁ କମ ଶିଶୁଙ୍କୁ ଶ୍ରମିକ ଭାବରେ ନିୟୋଜିତ କରିବା ତଥା ୧୫ରୁ ୧୮ ବର୍ଷ ବୟସର କିଶୋର କିଶୋରୀଙ୍କୁ କୌଣସି ବିପଦଶଙ୍କୁଳ କାର୍ଯ୍ୟରେ ନିୟୋଜିତ କରିବା ଆଇନ ଅନୁଯାୟୀ, ଦଣ୍ଡନୀୟ ହୋଇଥିବା ବେଳେ, ଏବେ ବି ଯାଇନାହିଁ ଏହି ସାମାଜିକ ବ୍ୟାଧି । ପ୍ରଶାସନ ଓ ଜନତା ମିଳିତ ଭାବରେ ଶିଶୁ ଶ୍ରମିକ ପ୍ରଥାକୁ ବନ୍ଦ କରିବା ପାଇଁ ଅଣ୍ଟା ଭିଡ଼ିବା ଦରକାର ବୋଲି ଜିଲ୍ଲାପାଳ କହିଛନ୍ତି । ଜିଲ୍ଲା ଶ୍ରମ ବିଭାଗ ପକ୍ଷରୁ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା ।

ଇଟିଭି ଭାରତ, କଟକ