କଟକ: ଗିରଫ ହେଲା ଗ୍ୟାଙ୍ଗଷ୍ଟାର ସକିଲର ଆଉ ଜଣେ ପ୍ରେମିକା । ପ୍ରେମିକା ନସରିନ ଖାନଙ୍କ ପରେ ଆଉ ଜଣେ ପ୍ରେମିକାକୁ ଗିରଫ କଲା କମିଶନରେଟ ପୋଲିସ ।
ସକିଲ ଦାଦାଵଟି ମାଗିବା ମାମଲାରେ ରୋମାଞ୍ଚକର ମୋଡ । ଗିରଫ ହେଲା ଆଉ ଏକ ଝିଅ ସହଯୋଗୀ । ପ୍ରଥମେ ପ୍ରେମିକା ନସରିନ ଖାନ ଗିରଫ ହେବା ପରେ ଏବେ ଆଉ ଏକ ଝିଅ ପ୍ରେମିକାକୁ ଗିରଫ କରିଛି କମିଶନରେଟ ପୋଲିସ । ସେ ହଉଛନ୍ତି ମଙ୍ଗଳାବାଗ ଥାନା ଅଞ୍ଚଳର ରେସମ ଓରଫ ନିଖତ ନସିମ ।
ସକିଲର ପ୍ରେମିକା ଗିରଫଦାରି ଘଟଣା ତେବେ ବକ୍ସି ବଜାରରେ ଏକ ବ୍ୟବସାୟୀକୁ ଦାଦାବଟି ମାଗିବା ମାମଲାରେ ଉକ୍ତ ଝିଅ ସହଯୋଗୀକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ସୂଚନାଯୋଗ୍ୟ, ଗତବର୍ଷ ଡିସେମ୍ବର ମାସରେ ଜଣେ ବ୍ୟବସାୟୀକୁ ଜେଲରେ ରହି ଫୋନ ଯୋଗେ 10 ଲକ୍ଷ ଟଙ୍କା ଦାଦାବଟି ମାଗିଥିଲା ସକିଲ୍। ଏହାସହିତ ବଟି ନଦେଲେ ଜୀବନରୁ ମାରିଦେବାକୁ ଧମକ ମଧ୍ୟ ଦେଇଥିଲା। ଏହି ଘଟଣାରେ ଦରଘା ବଜାର ଥାନାରେ 2ଟି ମାମଲା ରୁଜୁ ହୋଇଥିଲା। ଯେଉଁଥିରେ ସକିଲର 5 ସହଯୋଗୀ ଗିରଫ ହୋଇଥିଲେ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
