Ambabhona PS Vandalism Case: ପୋଲିସ DGଙ୍କୁ ଭେଟିଲା ବିଜେପି ପ୍ରତିନିଧୀ ମଣ୍ଡଳୀ

ବିଜେପି ଉପସଭାପତି ଗୋଲକ ମହାପାତ୍ରଙ୍କ ନେତୃତ୍ବରେ ବିଜେପି ପ୍ରତିନିଧି ଦଳ କଟକ ସ୍ଥିତ ପୋଲିସ ମୁଖ୍ୟାଳୟକୁ ଆସି ପୋଲିସ ମହାନିର୍ଦ୍ଦେଶକଙ୍କୁ ସାକ୍ଷାତ କରିଛନ୍ତି । ସାକ୍ଷାତ ଅବସରରେ ବିଜେପି ପ୍ରତିନିଧୀ ଦଳ ଦାବି କରିଛି, ‘‘ଅମ୍ବାଭନା ଥାନା ଭଙ୍ଗା ରୁଜା ଘଟଣାରେ ବିଜେଡି ବିଧାୟକ ସୁଶାନ୍ତ ସିଂ ଓ ତାଙ୍କ ସମର୍ଥକଙ୍କ ସଂପୃକ୍ତି ରହିଛି ।" ଅଧିକ ପଢନ୍ତୁ

କଟକ: ଅମ୍ବାଭନା ଥାନା ଭଙ୍ଗା ରୁଜା ଘଟଣାରେ ବିଜେଡି ବିଧାୟକ ସୁଶାନ୍ତ ସିଂ ଓ ତାଙ୍କ ସମର୍ଥକଙ୍କ ସଂପୃକ୍ତି ରହିଛି। ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେଉ । ବିଧାୟକଙ୍କୁ ତଦନ୍ତ ପରିସରଭୁକ୍ତ କରାଯାଉ । ଥାନା ପ୍ରତି ଲୋକଙ୍କ ଆସ୍ଥା ପୂର୍ବଭଳି ବଜାୟ ରଖିବା ଦିଗରେ ପୋଲିସ କାମ କରୁ । ବରଗଡ ଅମ୍ବାଭନା ଥାନାରେ ବ୍ୟାପକ ଭଙ୍ଗାରୁଜା ଘଟଣାକୁ ନେଇ ପୋଲିସ ମହାନିର୍ଦ୍ଦେଶକଙ୍କୁ ସାକ୍ଷାତ କରିଛି ଏଭଳି ଦାବି କରିଛି ବିଜେପି ପ୍ରତିନିଧିଦଳ ।

ବିଜେପି ଉପସଭାପତି ଗୋଲକ ମହାପାତ୍ରଙ୍କ ନେତୃତ୍ବରେ ବିଜେପି ପ୍ରତିନିଧି ଦଳ କଟକ ସ୍ଥିତ ପୋଲିସ ମୁଖ୍ୟାଳୟକୁ ଆସି ପୋଲିସ ମହାନିର୍ଦ୍ଦେଶକଙ୍କୁ ସାକ୍ଷାତ କରିଛନ୍ତି । ସାକ୍ଷାତ ଅବସରରେ ବିଜେପି ପ୍ରତିନିଧୀ ଦଳ ଦାବି କରିଛି, ‘‘ଅମ୍ବାଭନା ଥାନା ଭଙ୍ଗା ରୁଜା ଘଟଣାରେ ବିଜେଡି ବିଧାୟକ ସୁଶାନ୍ତ ସିଂ ଓ ତାଙ୍କ ସମର୍ଥକଙ୍କ ସଂପୃକ୍ତି ରହିଛି। ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେଉ । ବିଧାୟକଙ୍କୁ ତଦନ୍ତ ପରିସରଭୁକ୍ତ କରାଯାଉ । ଥାନା ପ୍ରତି ଲୋକଙ୍କ ଆସ୍ଥା ପୂର୍ବଭଳି ବଜାୟ ରଖିବା ଦିଗରେ ପୋଲିସ କାମ କରୁ ।’’

ବିଜେପି ଅଭିଯୋଗ କରି କହିଛି ବରଗଡ ଜିଲ୍ଲା ଅମ୍ବାଭନା ଥାନାରେ ଏକ ଉତ୍ସବରୁ ବିଜେଡି ବିଧାୟକଙ୍କ ସମର୍ଥକ ମାନେ ଥାନା ଭିତରେ ପଶି ଭଙ୍ଗାରୁଜା କରିଛନ୍ତି। ଏହି ଭଙ୍ଗା ରୁଜାରେ ବିଜେଡି ବିଧାୟକ ସୁଶାନ୍ତ ସିଂ ସାମିଲ ଅଛନ୍ତି । ତେଣୁ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ତାଙ୍କୁ ଗିରଫ କରାଯାଉ । ପୂର୍ବରୁ ପୂର୍ବତନ ମନ୍ତ୍ରୀ ତଥା ବର୍ତ୍ତମାନର ବିଧାୟକଙ୍କ ବିରୋଧରେ ଅନେକ ସଂଗୀନ ଅଭିଯୋଗ ରହିଛି । ତେଣୁ ଲୋକ ମାନଙ୍କର ବିଶ୍ବାସର ପ୍ରତୀକ ଥାନାରେ ଯଦି ଏପରି ସ୍ଥିତି ସୃଷ୍ଟି କରିବେ ତେବେ ଲୋକଙ୍କ ସୁରକ୍ଷାକୁ ନେଇ ପ୍ରଶ୍ନ ଉଠିବ । ଏହି ସମ୍ବେଦନଶୀଳ ଘଟଣା ଉପରେ ପୋଲିସ ମହାନିର୍ଦ୍ଦେଶକ ନିଜେ ହସ୍ତକ୍ଷେପ କରନ୍ତୁ ବୋଲି ଦଳ ଦାବି କରିଛି ।

ବିଜେପି ଉପସଭାପତି ଗୋଲକ ମହାପାତ୍ରଙ୍କ ନେତୃତ୍ବରେ ଯାଇଥିବା ପ୍ରତିନିଧୀ ମଣ୍ଡଳୀରେ ଦଳୀୟ ନେତା ମନୋରଞ୍ଜନ ମହାପାତ୍ର, ଠାକୁର ରଞ୍ଜିତ ଦାସ, ସୋନାଲି ସାହୁ , ସ୍ମୃତି ପଟ୍ଟନାୟକ, ଲଲାଟେନ୍ଦୁ ବଡୁ, ଦିଲ୍ଲୀପ ମଲ୍ଲିକ, ଶ୍ରୀତମ ଦାସ ପ୍ରମୁଖ ସାମିଲ ଥିଲେ ।

ଇଟିଭି ଭାରତ, କଟକ