କଟକ: ଅଲ୍ ଇଣ୍ଡିଆ ଡେମୋକ୍ରାଟିକ୍ ଷ୍ଟୁଡେଣ୍ଟ ଅରଗାନାଇଜେସନ(ଏଆଇଡିଏସଓ) ପକ୍ଷରୁ କଟକରେ ବିକ୍ଷୋଭ ପ୍ରଦର୍ଶନ କରାଯାଇଛି । ସ୍କୁଲ ବନ୍ଦ ନିଷ୍ପତି ପ୍ରତ୍ୟାହାର ଦାବିରେ ଏଆଇଡ଼ିଏସଓ କଟକ ଜିଲ୍ଲା କମିଟି ପକ୍ଷରୁ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଜୋରଦାର ଆନ୍ଦୋଳନ କରାଯାଇଛି ।
ସୂଚନା ଅନୁଯାୟୀ କଟକର 249ଟି ସ୍କୁଲ୍ ସମେତ ରାଜ୍ୟର 14 ହଜାର 379ଟି ସ୍କୁଲ୍ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି ସରକାର । ଯାହାକୁ ସମ୍ପୂର୍ଣ୍ଣ ବିରୋଧ କରୁଛି ଏଆଇଡିଏସଓ । ରାଜ୍ୟ ସରକାରଙ୍କ ସ୍କୁଲ୍ ବନ୍ଦ ନିଷ୍ପତ୍ତି ସମ୍ପୂର୍ଣ୍ଣ ରୂପେ ଭୁଲ ବୋଲି ଏଆଇଡ଼ିଏସଓ ଅଭିଯୋଗ କରିବା ସହ ବିକ୍ଷୋଭ ପ୍ରଦର୍ଶନ କରିଛି । ତେବେ ସରକାର ଏହି ନିଷ୍ପତ୍ତିକୁ ତୁରନ୍ତ ପ୍ରତ୍ୟାହାର କରିବାକୁ ଦାବି କରିଛି ସଙ୍ଘ । ଯଦି ଆଗାମୀ ଦିନରେ ସରକାର ସ୍କୁଲ୍ ବନ୍ଦ ନିଷ୍ପତିକୁ ପ୍ରତ୍ୟାହାର ନକରନ୍ତି ତେବେ ସଙ୍ଗଠନ ପକ୍ଷରୁ ଆନ୍ଦୋଳନ ତୀବ୍ର ହେବ ବୋଲି ଚେତାବନୀ ଦେଇଛି ସଙ୍ଗଠନ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ