ଜରି ଅଖାରୁ ଗଳିତ ମୃତଦେହ ଉଦ୍ଧାର, ହତ୍ୟା ସନ୍ଦେହ

କଟକ ଜିଲ୍ଲା ଲୁଣା ନଦୀ ତେନ୍ତଲପୁର ଗାଁ କାଳିଆ ବୁଦା ମଠ ନିକଟରୁ ଏକ ଅଚିହ୍ନା ମହିଳାଙ୍କ ଗଳିତ ମୃତଦେହ ଉଦ୍ଧାର । ଖବର ପାଇ ନିଶ୍ଚିନ୍ତ କୋଇଲି ପୋଲିସର ତଦନ୍ତ ଜାରି ।

କଟକ: ଜିଲ୍ଲାର ତେନ୍ତଲପୁର ଗାଁରେ ଚାଞ୍ଚଲ୍ୟ । ଲୁଣା ନଦୀ ପଠାରୁ ମହିଳାଙ୍କ ଗଳିତ ମୃତଦେହ ଉଦ୍ଧାର । ଜରିଅଖା ଭିତରେ ମୃତଦେହ ପଡିଥିବା ଦେଖି ପୋଲିସକୁ ଖବର ଦେଇଥିଲେ ସ୍ଥାନୀୟ ଲୋକେ । ସେପଟେ ମୃତ ମହିଳାଙ୍କ ପରିଚୟ ମିଳିପାରି ନାହିଁ ।

ସୂଚନା ଅନୁଯାୟୀ, ବୁଧବାର ନଦୀ ପଠାରେ ଏକ ଜରିଅଖା ଭିତରେ ମୃତଦେହଟି ପଡିଥିବା ଦେଖିବାକୁ ପାଇଥିଲେ ଲୋକେ । ସ୍ଥାନୀୟ ଲୋକେ ସଙ୍ଗେସଙ୍ଗେ ନିଶ୍ଚିନ୍ତ କୋଇଲି ଥାନାକୁ ଖବର ଦେଇଥିଲେ । ଖବର ପାଇ ପୋଲିସ ପହଞ୍ଚି ଘଟଣାର ଛାନଭିନ୍ ଆରମ୍ଭ କରିଛି ।

କେହି ମହିଳାଙ୍କୁ ହତ୍ୟା କରି ମୃତଦେହକୁ ଏଭଳି ଫୋପାଡି ଦେଇଥିବା ପ୍ରାଥମିକ ତଦନ୍ତରୁ ଜଣାପଡିଛି । କିଏ ? କାହିଁକି? ମହିଳାଙ୍କୁ ହତ୍ୟା କଲା ତାହାର ତଦନ୍ତ ଆରମ୍ଭ କରିଛି ପୋଲିସ ।

କଟକରୁ ନାରାୟଣ ସାହୁ, ଇଟିଭି ଭାରତ