ବିରୂପା ନଦୀ କୂଳରୁ ମିଳିଲା ଅଜଣା ମୃତଦେହ

ଚୌଦ୍ଵାର ଥାନା ଅନ୍ତର୍ଗତ ବିରୂପା ନଦୀ ଛୁଞ୍ଚିଆ ଗାଧୁଆ ତୁଠରୁ ମୃତଦେହ ଠାବ କରାଯାଇଛି। ମୃତଦେହ ଭାସୁଥିବା ଦେଖି ଲୋକେ ଅଗ୍ନିଶମ ବାହିନୀକୁ ଖବର ଦେଇଥିଲେ ।

କଟକ: ବିରୂପା ନଦୀ କୂଳରୁ ମୃତଦେହ ଉଦ୍ଧାର । ଚୌଦ୍ଵାର ଥାନା ଅନ୍ତର୍ଗତ ବିରୂପା ନଦୀ ଛୁଞ୍ଚିଆ ଗାଧୁଆ ତୁଠରୁ ମୃତଦେହ ଠାବ କରାଯାଇଛି। ଅଗ୍ନୀଶମ ବାହାନୀ ମୃତଦେହକୁ ଉଦ୍ଧାର କରିଛନ୍ତି ।

ସୂଚନା ଅନୁସାରେ, ଉଦ୍ଧାର କରାଯାଇଥିବା ମୃତଦେହ ଜଣେ ବ୍ୟକ୍ତିଙ୍କର ବୋଲି ଜଣାପଡିଛି । ବିରୂପା ନଦୀରେ ମୃତଦେହ ଭାସୁଥିବା ଦେଖି ଲୋକେ ଅଗ୍ନିଶମ ବାହିନୀକୁ ଖବର ଦେଇଥିଲେ ।

ପରେ ଅଗ୍ନିଶମ ବାହିନୀ ଓ ଚୌଦ୍ଵାର ପୁଲିସ ଘଟଣାସ୍ଥଳରେ ପହଞ୍ଚିବା ପରେ ମୃତଦେହକୁ ପାଣିରୁ ଉଦ୍ଧାର କରାଯାଇଥିଲା । ତେବେ ମୃତକଙ୍କ ପରିଚୟ ଏଯାବତ ମିଳିପାରି ନଥିବାବେଳେ ଚୌଦ୍ଵାର ପୋଲିସ ତଦନ୍ତ ଆରମ୍ଭ କରିଛି।

କଟକରୁ ନାରାୟଣ ସାହୁ, ଇଟିଭି ଭାରତ