କଟକ: ବାପା ମାଆଙ୍କ ମାଡ ଗାଳିରୁ ସବୁବେଳେ ବଞ୍ଚାଇ ଆସେ ଜେଜେମାଆ । କ'ଣ ଗୋଟିଏ ଛୋଟ ଭୁଲ ପାଇଁ ନାତୁଣୀଟା ଉପରେ ଏତେ ରାଗ ଦେଖାଉଛି କହି କୋଳେଇ ନିଏ ବୁଢୀମାଆ । ହେଲେ ଆଜି ସେହି ନାତୁଣୀ ବଡ ହେବା ପରେ ଭୁଲି ଯାଇଛି ଜେଜେମାଆର ସେହି ମମତା ଓ ସ୍ନେହ । ଆଉ ଅତି ନିର୍ମମ ଭାବେ ନିଜ ଜେଜେମାଆକୁ ଖଡିକାରେ ଆକ୍ରମଣ କରିଛି ନାତୁଣୀ । ଏଭଳି ଏକ ଘଟଣା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ବୁଢୀମାଆକୁ ମାଡ ମାରି ଦରମରା କଲା ନାତୁଣୀ
କଟକ ଉଷୁମା ଗ୍ରାମପଞ୍ଚାୟତର ସୁମାଣ୍ଡି ଗାଁ ୭୦ ବର୍ଷୀୟ ଜେଜେମାଆ ଫୁଲ ଜେନା ଖାଇବା ମାଗିବାରୁ ପ୍ରଥମେ ରୋକଠୋକ ମନା କରିଦେଇଥିଲା ନାତୁଣୀ । ଏହା ପରେ ଜେଜେମାଆ ପୁଣି ଖାଇବା ମାଗିବାରୁ ଅତି ନୃଶଂସ ଭାବେ ଗାଁ ଦାଣ୍ଡରେ ପିଠା ଖଡିକା ଓ କାଠ ଫାଳିଆରେ ଆକ୍ରମଣ କରିଥିଲା ନାତୁଣୀ ।