ଯୁବକଙ୍କ କଟୁରୀ ଚୋଟରେ ଫେରିବାଲା ଗୁରୁତର

କଟକ ଜିଲ୍ଲା ନିଶ୍ଚିତକୋଇଲି ଥାନା କଟିକଟା ଅଞ୍ଚଳରେ ଜଣେ ଯୁବକ କଟୁରୀରେ ଜଣେ ଫେରିବାଲା ଉପରକୁ ମରଣାନ୍ତକ ଆକ୍ରମଣ କରିଛି ।

କଟକ: ଯୁବକଙ୍କ କଟୁରୀ ଚୋଟରେ ଫେରିବାଲା ଗୁରୁତର। କଟକ ଜିଲ୍ଲା ନିଶ୍ଚିତକୋଇଲି ଥାନା କଟିକଟା ଅଞ୍ଚଳରେ ଜଣେ ଯୁବକ କଟୁରୀରେ ଜଣେ ଫେରିବାଲା ଉପରକୁ ମରଣାନ୍ତକ ଆକ୍ରମଣ କରିଛି । ଗୁରୁତର ଫେରିବାଲାଙ୍କୁ ପ୍ରଥମେ ନିଶ୍ଚିତକୋଇଲି ମେଡ଼ିକାଲ ଓ ପରେ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି।

ସୂଚନା ଅନୁଯାୟୀ, ଗୁରୁତର ଫେରିବାଲା ଜଣକ ହେଉଛନ୍ତି ଶମ୍ଭୁ ସିଂହ। କଟିକଟା ବଜାର ନିକଟ ପଟସୁରା ଗ୍ରାମର ବାପୁନି ଦାସ ନାମକ ଜଣେ ଯୁବକ, ଶମ୍ଭୁଙ୍କ ଉପରକୁ ମରଣାନ୍ତକ ଆକ୍ରମଣ କରିଥିଲା । ସେ ଗ୍ରାମକୁ ବ୍ୟବସାୟ ପାଇଁ ଯାଉଥିବାବେଳେ ଏକ କଟୁରୀ ସହାୟତାରେ ବାପୁନି ଶମ୍ଭୁଙ୍କ ଉପରକୁ ଆକ୍ରମଣ କରିଥିଲା।

ସୌଭାଗ୍ୟବଶତଃ କଟୁରୀ ଚୋଟଟି ବେକରେ ନବାଜି ଫେରିବାଲା ଶମ୍ଭୁଙ୍କ ହାତରେ ବାଜିଥିଲା। ଅନ୍ୟପଟେ ଅଭିଯୁକ୍ତ ବାପୁନିକୁ ନିଶ୍ଚିତକୋଇଲି ଥାନା ପୋଲିସ ଥାନାରେ ଅଟକ ରଖି ପଚରାଉଚରା ଚଳାଇଛି।

କଟକରୁ ନାରାୟଣ ସାହୁ, ଇଟିଭି ଭାରତ